قازاقستانعا كەلەتىن وزبەكستاندىقتاردىڭ ۋاقىتشا تىركەۋسىز تۇرۋ مەرزىمى ۇزارۋى مۇمكىن

جالپى 30 تاۋلىك ەتىپ بەكىتۋ ۇسىنىلىپ وتىر. 

قازاقستانعا كەلەتىن وزبەكستان ازاماتتارىنىڭ ەلىمىزدە ۋاقىتشا تىركەۋسىز تۇرۋ مەرزىمى ۇزارتىلماق. بۇل تۋرالى ىشكى ىستەر مينيسترلىگى اشىق تالقىعا شىعارعان كەلىسىم قۇجاتىندا جازىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ەكى ەلدىڭ ۇلتتىق پاسپورت يەلەرى بولىپ تابىلاتىن ازاماتتارى ەكىنشى مەملەكەتتىڭ اۋماعىنا 30 تاۋلىككە دەيىن ۋاقىتشا تىركەۋسىز كەلەدى جانە ونىڭ اۋماعىندا بولا الادى. دەگەنمەن ازاماتتار ۋاكىلەتتى ورگاندارعا ءوزىنىڭ كەلگەنى تۋرالى حابارلاما بەرۋى ءتيىس. بولۋ ۋاقىتىن 30 تاۋلىكتەن اساتىن مەرزىمگە ۇزارتۋدى تاراپتار مەملەكەتتەرىنىڭ زاڭدارىنا سايكەس ىشكى ىستەر ورگاندارى مەملەكەتتەن شىقپاي التى اي مەرزىمگە جۇزەگە اسىرادى»، - دەپ كورسەتىلگەن كەلىسىم قۇجاتىندا.

ايتا كەتسەك، قولدانىستاعى تالاپ بويىنشا وزبەكستان ازاماتتارى قازاقستانعا 5 تاۋلىككە ۋاقىتشا تىركەۋسىز كەلە الادى. ەندى ونىڭ مەرزىمىن 25 كۇنگە ۇزارتىپ، جالپى 30 تاۋلىك ەتىپ بەكىتۋ ۇسىنىلىپ وتىر.

سونىمەن قوسا، جاڭا وزگەرىستەردىڭ ءبىرى – بۇعان دەيىن ەكى ەلدىڭ شەكارا قىزمەتتەرى بەرىپ كەلگەن كوشى-قون باقىلاۋ كارتوچكالارى الىنىپ تاستالادى.

كەلىسىمگە سايكەس، وزبەكستان ازاماتتارىنان قازاقستان اۋماعىنا كەلەردە سۇرالاتىن قۇجاتتار:

- وزبەكستان رەسپۋبليكاسىنىڭ بيومەتريكالىق ديپلوماتتىق پاسپورتى؛

- وزبەكستان رەسپۋبليكاسى ازاماتىنىڭ بيومەتريكالىق پاسپورتى (شەتەلگە شىعۋ پاسپورتى)؛

- وزبەكستان رەسپۋبليكاسى ازاماتىنىڭ بيومەتريكالىق ەمەس ۇلگىدەگى پاسپورتى؛

- وزبەكستان رەسپۋبليكاسىنا ورالۋ ءۇشىن سەرتيفيكات (وزبەكستان رەسپۋبليكاسىنا ورالۋ ءۇشىن عانا)؛

- اۋە كەمەسىنىڭ ەكيپاجى مۇشەسىنىڭ كۋالىگى (ەكيپاجدىڭ قۇرامىندا ءجۇرۋى كەزىندە)؛

- ۇكىمەتارالىق فەلدەگەرلىك قىزمەت قىزمەتكەرىنىڭ جەكە كۋالىگى.