قازاقستاندىقتار جىلجىمايتىن مۇلىككە قاتىستى مامىلەنى ەندى ەلىمىزدەگى كەز كەلگەن نوتاريۋستا راسىمدەي الادى.
ءۇيدىڭ تەحنيكالىق قۇجاتىن حالىققا قىزمەت كورسەتۋ ورتالىعىنا بارماي-اق، «ەلەكتروندىق ۇكىمەت» پورتالىنان الۋعا بولادى. بۇل جونىندە قونايەۆ قالاسىندا وتكەن حالىقپەن كەزدەسۋىندە ادىلەت ءمينيسترى قانات مۋسين ايتتى، دەپ حابارلايدى Almaty-akshamy.kz
«بيىل «ادۆوكاتتىق قىزمەت جانە زاڭ كومەگى تۋرالى» زاڭىنا وزگەرىستەر ەنگىزىلدى. سوعان سايكەس، كوپ بالالى وتباسىلارعا، تۇرمىستىق زورلىق-زومبىلىق، ازاپتاۋ قۇرباندارىنا، 1ء-شى جانە 2ء-شى ساناتتاعى مۇگەدەكتەرگە، زەينەتكەرلەرگە قۇقىقتىق كەڭەس بەرۋ تەگىن كورسەتىلەدى. بۇل قىزمەتكە 10 اي ىشىندە الماتى وبلىسىندا التى جارىم مىڭ ازامات جۇگىنگەن. دەگەنمەن وبلىستاعى سوت ورىنداۋشىلارى مەن ادۆوكاتتاردىڭ جۇمىسىندا كەمشىلىكتەر بار»، - دەدى مينيستر.