2021 جىلعى 1-8 قازان ارالىعىندا اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ اۋماقتىق ينسپەكسيالارى قازاقستان اۋماعىنا رەسەيدەن، قىرعىزستاننان، پولشادان، ليتۆادان جانە يراننان فيتوسانيتاريالىق ءقاۋپى جوعارى كارانتينگە جاتقىزىلعان ءونىمدى زاڭسىز اكەلۋدىڭ 86 ارەكەتىن توقتاتتى، دەپ حابارلايدى almaty-akshamy.kz ق ر اۋىل شارۋاشىلىعى مينيسترلىگىنە سىلتەمە جاساپ.
«كارانتيندىك فيتوسانيتاريالىق باقىلاۋدى جۇرگىزۋ كەزىندە رەسەي فەدەراسياسىنان 803 توننا الما، بانان، قىزاناق، كارتوپ، قىرىققابات، بۇرىش، قىزىلشا، ءسابىز، بيداي، ۇن جانە باسقا دا ونىمدەردى فيتوسانيتاريالىق سەرتيفيكاتسىز اكەلۋى انىقتالدى. قىرعىزستان 2،7 توننا قۇلپىناي، تاڭقۋراي، قۇرما جانە راۋشان تامىرىن فيتوسانيتاريالىق سەرتيفيكاتسىز اكەلگەنى جانە ولاردىڭ ماركيروۆكاسىز ەكەنى بەلگىلى بولدى. پولشادان 20،3 توننا الما فيتوسانيتاريالىق سەرتيفيكاتسىز جەتكىزىلگەن. ليتۆادان 19،9 توننا كەشيۋ جاڭعاعىنىڭ كارانتينگە جاتقىزىلعان ءونىمدى ەكىنشى رەت تەكسەرۋگە ۇسىنباعان. يراننان 45،8 توننا الما اكەلۋ كەزىندە فيتوسانيتاريالىق تالاپتارعا سايكەس كەلمەۋى انىقتالدى»، - دەلىنگەن ق ر اۋىل شارۋاشىلىعى مينيسترلىگى مالىمەتىندە.
ناتيجەسىندە كىنالى ادامدار ق ر اقبتك-نىڭ 400-بابى بويىنشا اكىمشىلىك جاۋاپكەرشىلىككە تارتىلىپ، ولارعا 4،2 ملن تەڭگە سوماسىندا اكىمشىلىك ايىپپۇل سالىندى.
«جىل باسىنان بەرى ق ر اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ اۋماقتىق ينسپەكسياسى وسىمدىكتەر كارانتينى سالاسىندا 5 مىڭنان استام زاڭ بۇزۋشىلىقتى انىقتاپ، ناتيجەسىندە 367،2 ملن تەڭگە سوماسىنا اكىمشىلىك ايىپپۇل سالىندى»، - دەپ اتالىپ وتكەن ۆەدومستۆو حابارلاماسىندا.