ۇلتتىق وليمپيادا كوميتەتى دەرەگىنشە، شورت-ترەكتەن قازاقستان ۇلتتىق قۇراماسى ەلوردادا وقۋ-جاتتىعۋ جيىندارىن جالعاستىرۋدا، دەپ حابارلايدى Almaty-akshamy.kz
ۇلتتىق قۇراما 22021/2022 جىلعى ماۋسىمدى بەيجىڭدە الەم كۋبوگىنەن باستايدى. وسىعان وراي، باس باپكەر ءمادىعالي قارسىبەكوۆ وليمپيادا قارساڭىندا جولداما ءۇشىن جانىن سالاتىن سپورتشىلار ەسىمىن اتاعان بولاتىن. جاڭا ماۋسىمدا 12 سپورتشى شورت-ترەكتەن الەم كۋبوگى كەزەڭدەرىنە قاتىسىپ، جولدامانى ساراپقا سالادى.
ەلوردادا ءوتىپ جاتقان وقۋ-جاتتىعۋ جيىندارىندا باپكەر باستى ماقسات - ءتورتجىلدىقتىڭ باستى دوداسىنا جولداما جەڭىپ الۋ كەرەك ەكەنىن دە جاسىرمادى.
«قازىرگى تاڭدا ەڭ ءبىرىنشى ماقساتىمىز، جوسپارىمىز - وليمپيادا ويىندارىنا ليسەنزيا الۋ. ليسەنزياعا يە بولعاننان كەيىن وليمپياداعا دايىندىققا كىرىسەمىز»، - دەپ قىسقا قايىردى ءمادىعالي قارسىبەكوۆ.
ايتا كەتەرلىگى، شورت-ترەكشىلەر 16 قازانعا دەيىن ەل استاناسىنداعى «الاۋ» مۇز ايدىنىندا دايىندىعىن جالعاستىرادى.
View this post on Instagram