بيىل 2 ترلن تەڭگەگە 190 جوبانى ىسكە قوسۋ جوسپارلانىپ وتىر.
قازاقستاندا 19 شەتەلدىك كومپانيا ءوز جۇمىسىن باستايدى، دەپ حابارلايدى Almaty-akshamy.kz LS سىلتەمە جاساپ.
پرەمەر-مينيستر ءاليحان سمايىلوۆتىڭ ايتۋىنشا، ەلگە 19 شەتەلدىك كومپانيا كوشىپ كەلدى. باسقالارى بويىنشا ءالى دە پىسىقتاۋ جۇمىستارى جۇرگىزىلۋدە.
پرەمەر-مينيستردىڭ سوزىنشە، الداعى جەتى جىلدا ەلىمىزدە كەمىندە $150 ملرد تىكەلەي شەتەلدىك ينۆەستيسيا تارتۋ جوسپارلانۋدا. سمايلوۆ بۇل جۇمىس ءقازىردىڭ وزىندە ءجۇرىپ جاتقانىنا سەندىردى.
اتاپ ايتقاندا، I جارتىجىلدىقتىڭ قورىتىندىسى بويىنشا، $14،5 ملرد تىكەلەي ينۆەستيسيا تارتىلدى، بۇل وتكەن جىلدىڭ سايكەس كەزەڭىمەن سالىستىرعاندا 28%-عا ارتىق.
"30 ترلن تەڭگەگە 850 ينۆەستيسيالىق جوبامەن جۇمىس جۇرگىزىلۋدە. سونىڭ ناتيجەسىندە 131 مىڭ جاڭا جۇمىس ورنىن قۇرۋ كۇتىلۋدە"، - دەدى ول.
سمايىلوۆ بيىل 2 ترلن تەڭگەگە 190 جوبانى ىسكە قوسۋ جوسپارلانىپ وتىرعانىن اتاپ ءوتتى. 18،5 مىڭ ادام جۇمىسقا ورنالاسادى.