مەملەكەت باسشىسى اگروونەركاسىپ كەشەنىن دامىتۋدىڭ ۇلتتىق جوباسىنىڭ ورىندالماۋىنا توقتالدى، دەپ حابارلايدى Almaty-akshamy.kz.
«اگروونەركاسىپ كەشەنىن دامىتۋدىڭ ۇلتتىق جوباسىنداعى جوسپارلار ورىندالماي جاتىر. مىسالى، اۋىل شارۋاشىلىعى ءونىمىن وڭدەۋگە قاتىستى 65 جوبانى جۇزەگە اسىرۋ جوسپارلانعان. ءىس جۇزىندە ونىڭ 31ء-ى عانا ىسكە قوسىلدى. سول سياقتى 7 قۇس فابريكاسىنىڭ ورنىنا 3 فابريكا سالىندى. بالىق وندىرەتىن 11 جوبانىڭ جەتەۋى عانا پايدالانۋعا بەرىلدى.
ءبىز ەلىمىزدى نەگىزگى ازىق-تۇلىكپەن تولىق قامتاماسىز ەتۋىمىز كەرەك. سوندىقتان ۇكىمەت جوسپارلانعان بارلىق جوبالاردى جۇزەگە اسىرۋعا مىندەتتى»، - دەدى پرەزيدەنت.
پرەزيدەنت كەلەسى جىلى اۋىل شارۋاشىلىعى كووپەراسياسىن دامىتۋ جونىندەگى اۋقىمدى جوبانىڭ باستالاتىنىن ايتتى. وعان 1 تريلليون تەڭگە بولىنەدى. بۇل جوبا 1 ميلليون اۋىل تۇرعىنىن قامتيدى.
«سونداي-اق اۋىلداعى الەۋمەتتىك سالادا وزگەرىستەر بولادى. اۋىلدىڭ دەنساۋلىق ساقتاۋ جۇيەسىن جاڭعىرتۋ ءۇشىن ارنايى جوبا قولعا الىنادى. شامامەن 700 جاڭا مەديسينا نىسانى سالىنادى. كوپ سالالى 32 اۋداندىق اۋرۋحانادا جاڭعىرتۋ جۇمىستارى جۇرگىزىلەدى. وسىنىڭ بارىنە 200 ميلليارد تەڭگەدەن استام قاراجات بولىنەدى.
جالپى، ايماقتاردا ينفراقۇرىلىمعا قاتىستى ماسەلەلەر از ەمەس. تۇرعىن ءۇي تاپشىلىعى، جىلۋ، ەنەرگيا جانە سۋ جەلىلەرىنىڭ ەسكىرگەنى، جولداردىڭ توزىپ تۇرعانى بارشاعا ءمالىم. بۇگىنگى باسقوسۋعا وبلىس اكىمدەرى قاتىسىپ وتىر. جاڭادان تاعايىندالعان باسشىلار دا بار. سىزدەرگە سەنىم ارتامىز. ءار ايماقتى تۇرمىس ساپاسى جوعارى «قۋاتتى وڭىرگە» اينالدىرۋ ءۇشىن زور مۇمكىندىك بەرىلىپ وتىر. تاباندى جۇمىس ىستەۋ قاجەت»، - دەپ اتاپ ءوتتى ق.توقايەۆ.