سيفرلىق دامۋ، يننوۆاسيالار جانە اەروعارىش ونەركاسىپ مينيسترلىگى (ءسدياوم) ءوز قۇزىرەتى شەڭبەرىندە تۇراقتى نەگىزدە ينتەرنەت جانە ۇيالى بايلانىس جەلىسىنە قول جەتكىزۋ ساپاسىن مونيتورينگىلەۋ جانە جاقسارتۋ بويىنشا جۇمىس جۇرگىزۋدە.
جىل باسىنان بەرى بايلانىس وپەراتورلارىنا قاتىستى 763 جوسپاردان تىس تەكسەرۋ جۇرگىزىلىپ، 3 ملرد 18 ملن تەڭگە كولەمىندە ايىپپۇل سالىندى، دەپ حابارلايدى اlmaty-akshamy.kz.
جەڭىلدىكتى ەسكەرە وتىرىپ، بيۋدجەتكە 1،5 ملرد 9 ملن تەڭگە تولەندى.
انىقتاما:
- 2020 جىلى 93 تەكسەرۋ جۇرگىزىپ، 23،9 ملن تەڭگە سوماسىنا ايىپپۇل سالىندى؛
- 2021 جىلى 562 تەكسەرۋ جۇرگىزىلىپ، 132 ملن تەڭگەگە ايىپپۇل سالىندى؛
- 2022 جىلى 1175 تەكسەرۋ جۇرگىزىلىپ، 1،6 ملرد تەڭگەگە ايىپپۇل سالىندى؛
ەسكە سالا كەتەيىك، 2022 جىلدىڭ شىلدەسىنەن باستاپ زاڭ بۇزۋشىلىقتار انىقتالعان جاعدايدا بايلانىس وپەراتورلارىنا 1000 اەك ەسەبىندە ايىپپۇل سالىنادى، ال ءبىر جىل ىشىندە قايتالاپ زاڭ بۇزعان جاعدايدا ايىپپۇل سوماسى 1500 اەك-كە دەيىن وسەدى.
2019 جىلدان 2022 جىل ارالىعىندا، ياعني ايىپپۇلداردىڭ وسۋىنە دەيىنگى كەزەڭدە وپەراتورلار نۇسقامالاردىڭ تەك 33%-ىن، ال ايىپپۇلداردى ارتتىرۋ بويىنشا جۇمىستار جۇرگىزىلگەننەن كەيىن، 2023 جىلى وپەراتورلار نۇسقامالاردىڭ 65%-ىن ورىندادى.
وپەراتورعا قاتىستى بايلانىستىڭ نەمەسە ينتەرنەتتىڭ ناشار ساپاسىنا تەكسەرۋ جۇرگىزۋ ءۇشىن قازاقستاندىقتار رەسمي ءوتىنىشتى تەلەكوممۋنيكاسيالار كوميتەتىنىڭ (ءسدياوم) نە ءتيىستى وبلىس مينيسترلىگىنىڭ اۋماقتىق بايلانىس ينسپەكسياسىنىڭ مەكەنجايىنا «ەلەكتروندى ۇكىمەت» پورتالى، «ە-وtinish» وتىنىشتەر بەرۋ جۇيەسى ارقىلى نە قاعاز تۇرىندە جولداۋلارى قاجەت. وتىنىشتە شاعىمنىڭ ءمانىن، بايلانىس وپەراتورىنىڭ اتاۋىن جانە تەكسەرۋ جۇرگىزۋ قاجەت ءوتىنىش بەرۋشىنىڭ ناقتى مەكەنجايىن كورسەتۋ مىندەتتى.
الەۋمەتتىك جەلىلەر ارقىلى كەلگەن وتىنىشتەر نەگىزگە الىنبايدى!
ايتا كەتەيىك، مينيسترلىك كورسەتىلەتىن بايلانىس قىزمەتتەرىنىڭ ساپاسىن عانا رەتتەيدى. ۇيالى بايلانىس وپەراتورلارىنىڭ تاريفتىك قىزمەتتەرىنىڭ باعاسىن كوتەرۋ بويىنشا ازاماتتار باسەكەلەستىكتى قورعاۋ جانە دامىتۋ اگەنتتىگىنە جۇگىنۋى كەرەك.