مارافون الەۋمەتتىك جەلىدە جۇرگىزىلەدى.
قىرعىزستاندا "ينيسياتيۆا112" باستاماسى بۇگىن "قازاقستانعا 112 ساعات قولداۋ" مارافونىن وتكىزەدى.
"الەۋمەتتىك جەلىدە بولاتىن شارا ەرتەڭ بىشكەك ۋاقىتىمەن ساعات 15:00-دە باستالادى. ۇيىمداستىرۋشىلاردىڭ ايتۋىنشا، مارافونعا قاتىسۋعا نيەت ءبىلدىرۋشى كوبەيىپ جاتىر. ولار سۋ تاسقىنىنان زارداپ شەككەن بارلىق قازاقستاندىققا رۋحاني قولداۋ كورسەتكىسى كەلەدى دەيدى. تىكەلەي ەفيرگە الەمنىڭ ءارتۇرلى ەلدەرىنەن سپيكەرلەر قوسىلىپ، قولداۋ بىلدىرەدى"، – دەلىنگەن باستاما حابارلاماسىندا.
ەسكە سالايىق، قىرعىزستانعا قازاقستانعا بۇعان دەيىن ەكى مارتە گۋمانيتارلىق كومەك جىبەردى.
ءبىرىنشى رەتتە 6 ساۋىردە قىرعىزستان 300 توننا گۋمانيتارلىق جۇك تيەلگەن "كومەك كەرۋەنىن" جولعا شىعارسا، 13 ساۋىردە ءسۇت ونىمدەرىنەن تۇراتىن تاعى كومەك جىبەردى. ونىڭ قۇرامىنا 10 مىڭ ليتر ايران، 10 مىڭ ليتر سارى ماي، 10 مىڭ ليتر وسىمدىك مايى، 20 توننا ىرىمشىك جانە 80 توننا قۇرعاق ءسۇت بار.
"جۇك قىرعىز حالقىنىڭ ءوز كۇشىمەن جينالدى جانە پرەزيدەنتتىڭ رەزەر قورىنان قوسىمشا قاراجات ءبولىندى"، – دەلىنگەن قىرعىزستان تجم حابارلاماسىندا.