كورەرمەندەردىڭ نازارىنا «قىز قۋۋ» جانە ت.ب. بايقاۋلار ۇسىنىلادى.
ۇلتتىق سپورت قاۋىمداستىعىنىڭ قولداۋىمەن قازاق جوكەي كلۋبى 2024 جىلعى 1 مامىردا الماتى قالاسىنداعى يپپودرومدا بيىلعى جىلدىڭ العاشقى بايگەسىن وتكىزەدى، دەپ حابارلايدى Almaty-akshamy.kz
سايىس ءارتۇرلى قاشىقتىقتا 9 ءتۇرلى جارىس بويىنشا وتەدى. اتاپ ايتقاندا، «كوكتەم» جۇلدەسى (قر-دا تۋعان جىلقىلار ءۇشىن)، «كوكتەم» جۇلدەسى (اشىق)، «اشىق» جۇلدەسى (اشىق)، قازاقستان حالقىنىڭ بىرلىگى كۇنىنە ارنالعان «1 مامىر» جۇلدەسى، گانديكاپ جۇلدەسى (قر-دا تۋعان جىلقىلار ءۇشىن)، جاسوسپىرىمدەرگە ارنالعان جۇلدە (ق ر جىلقىلارىمەن)، گانديكاپ جۇلدەسى (اشىق)، تالعات بيگەلدينوۆ اتىنداعى جۇلدە (قر-دا تۋعان جىلقىلار ءۇشىن)، «كىرىس» جۇلدەسى.
اتالعان 9 ءتۇرلى اتشابىس 1 مىڭ، 1 200، 1 600، 1 800، 2 مىڭ مەتر قاشىقتىقتا وتەدى. وعان 2-4 جاس ارالىعىنداعى قازاقستاننىڭ 70 ەڭ ۇزدىك سايگۇلىگى قاتىسادى. كورەرمەندەردىڭ نازارىنا «قىز قۋۋ» جانە ت.ب. بايقاۋلار ۇسىنىلادى.
بيلەتتەردى https:/ticketon.kz/ سايتىنان ونلاين الۋعا بولادى. باعاسى – 2 مىڭ تەڭگە.
مەكەن-جايى: الماتى قالاسى، يپپودروم «قۇلاگەر» شاعىن اۋدانى، وماروۆ كوشەسى، 10 «ا».
باستالۋى: 1 مامىر، 2024 جىل، ساعات: 15:00-دە.