سونداي-اق، باسشىلىق جوق قىزمەتكەرلەرگە جالاقى تولەپ وتىرعان.
شىمكەنت قالاسى تۇران اۋدانىنىڭ پروكۋراتۋراسى تەكسەرۋ بارىسىندا 6 843 837 تەڭگە سوماداعى بيۋدجەت قاراجاتىن جىمقىرۋ فاكتىلەرىن انىقتادى، دەپ حابارلايدى اlmaty-akshamy.kz.
بۇل اقشالاي قاراجات 2022-2023 جىلدار ارالىعىندا № 73 ورتا مەكتەپتى اعىمداعى جوندەۋ جۇمىستارىن جۇرگىزۋگە، عيماراتتى جىلىتىپ ۇستاۋ ءۇشىن كومىر جەتكىزۋگە بيۋدجەتتەن بولىنگەن.
ودان بولەك، جۇمىس اتقارماعانىنا قاراماستان 2 قىزمەتكەرگە اي سايىن ەڭبەكاقى تولەنىپ وتىرعانى بەلگىلى بولدى (ءولى جاندار).
"اۋدان پروكۋراتۋراسى مەكتەپ باسشىلىعىنا قاتىستى قازاقستان رەسپۋبليكاسى قىلمىستىق كودەكسىنىڭ 189-بابى 3-بولىگىنىڭ 1-تارماعى (سەنىپ تاپسىرىلعان بوتەن مۇلىكتى يەمدەنۋ نەمەسە ىسىراپ ەتۋ) بويىنشا سوتقا دەيىنگى تەرگەپ-تەكسەرۋدى باستادى.
ق ر قپك 201-بابىنىڭ تالاپتارىنا سايكەس باسقا اقپارات جاريا ەتۋگە جاتپايدى"، — دەپ جازدى تۇران اۋدانىنىڭ پروكۋراتۋراسى.