ءوتىنىم قابىلداۋ بۇگىن باستالادى.
ستۋدەنتتەر اعىلشىن نەمەسە جۇڭگو تىلىندە وقيدى، دەپ حابارلايدى Almaty-akshamy.kz حالىقارالىق باعدارلامالار ورتالىعىنىڭ باسپا ءسوز قىزمەتىنە سىلتەمە جاساپ.
جۇڭگو قازاقستان ازاماتتارى ءۇشىن باكالاۆريات، ماگيستراتۋرا جانە دوكتورانتۋرا باعدارلامالارىنا 113 ءبىلىم گرانتىن ءبولدى.
گرانتتار ۇكىمەتارالىق كەلىسىم اياسىندا ۇسىنىلىپ وتىر.
گرانتقا وتىنىمدەر 19 قاڭتاردان 3 اقپانعا دەيىن Egov.kz ەلەكتروندى ۇكىمەت پورتالى ارقىلى نەمەسە تىكەلەي حالىقارالىق باعدارلامالار ورتالىعى ارقىلى قابىلدانادى.
«تىركەلۋ كەزىندە تالاپكەر وقۋ باعدارلاماسىن، ۋنيۆەرسيتەتتى جانە ماماندىقتى تاڭدايدى. قازاقستاندىق ستۋدەنتتەرگە قىتايدىڭ 250-دەن استام جەتەكشى جوعارى وقۋ ورىندارىنىڭ تاڭداۋى ۇسىنىلادى. ەۋروپا مەن ازيانىڭ 10 ەلىندە باكالاۆريات، ماگيستراتۋرا جانە دوكتورانتۋرادا تەگىن ءبىلىم الۋعا بارلىعى 500-گە جۋىق گرانت بولىنەدى»، - دەدى حالىقارالىق باعدارلامالار ورتالىعىنىڭ باسقارما ءتوراعاسى ءانۋار جانعوزين.
گرانت اكادەميالىق وقۋ اقىسىن، جاتاقحانادا تۇرۋدى، مەديسينالىق ساقتاندىرۋدى قامتيدى جانە ستۋدەنتتەرگە اي سايىن ستيپەنديا تولەنەدى.