قازاقستاندىقتارعا كورسەتىلەتىن مەملەكەتتىك قىزمەتتىڭ ساپاسى مەن قولجەتىمدىلىگى ارتتى

ۇكىمەت وسى باعىتتا جۇمىس جاساپ جاتىر.

قازاقستاندا مەملەكەتتىك قىزمەت كورسەتۋ ساپاسىن ارتتىرۋ جۇمىستارى ءجۇرىپ جاتىر، دەپ حابارلايدى Almaty-akshamy.kz.

«ق ر ەڭبەك جانە حالىقتى الەۋمەتتىك قورعاۋ مينيسترلىگى ازاماتتاردىڭ مەملەكەتتىك قىزمەتتەرگە قول جەتكىزۋىن جەڭىلدەتۋ بويىنشا جۇمىس جۇرگىزۋدە. وسىلايشا، ەكىنشى دەڭگەيلى بانكتەر ارقىلى 4 مەملەكەتتىك قىزمەت قولجەتىمدى، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.

الەۋمەتتىك-ەڭبەك سالاسىن سيفرلاندىرۋدىڭ ارقاسىندا سمارتفوندارداعى ەدب قوسىمشالارى ارقىلى بۇگىنگى تاڭدا قازاقستاندىقتار بالا تۋعاندا بەرىلەتىن جانە بالا 1 جاسقا تولعانعا دەيىن ونىڭ كۇتىمىنە بايلانىستى مەملەكەتتىك جاردەماقىلاردى، بالا 1 جاسقا تولعانعا دەيىن ونىڭ كۇتىمىنە بايلانىستى مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدى رەسىمدەي الادى. سونداي-اق، ءبىرىڭعاي جيناقتاۋشى زەينەتاقى قورىنىڭ سالىمشىسى قاراجاتىنىڭ ءتۇسۋى مەن قوزعالىسى تۋرالى جانە الەۋمەتتىك اۋدارىمداردىڭ جاي-كۇيى مەن قوزعالىسى تۋرالى اقپارات الۋعا بولادى.

«بۇل قىزمەتتەردىڭ ءبىر بولىگى 2021 جىلى ىسكە اسىرىلدى، ءبىر بولىگى جاقىندا عانا قولجەتىمدى بولدى. بيىل ەدب موبيلدىك قوسىمشالارى ارقىلى قىزمەتتەردى 101 مىڭ ازامات پايدالاندى. مەملەكەتتىك قىزمەت كورسەتۋ ساپاسىن جانە ولاردىڭ قولجەتىمدىلىگىن ارتتىرۋ بويىنشا جۇمىس تۇراقتى نەگىزدە جۇرگىزىلەدى، ەدب-مەن ازاماتتارعا قولجەتىمدى قىزمەتتەر ءتىزىمىن كەڭەيتۋدىڭ ىقتيمال جولدارىن جۇيەلى تۇردە تالقىلايمىز»، – دەپ ءبولىستى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ.