الداعى كۇندەرگە ارنالعان اۋا رايى بولجامى.
«قازگيدرومەت» ماماندارى 8-10 قىركۇيەك كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
ەل اۋماعىنىڭ باسىم بولىگىندە سولتۇستىك-باتىس سۋىق انتيسيكلونى سالقىن اۋا رايىن ساقتايدى، تەك قازاقستاننىڭ وڭتۇستىگىندە ءالى جىلى بولادى.
«اتموسفەرالىق فرونتالدى بولىكتەردىڭ وتۋىمەن رەسپۋبليكانىڭ باسىم بولىگىندە جاڭبىر جاۋادى: 08 قىركۇيەكتە شىعىستا، 10 قىركۇيەكتە باتىس، سولتۇستىك-باتىستا – قاتتى جاڭبىر، نايزاعاي، جەلدىڭ كۇشەيۋى جانە بۇرشاق جاۋۋى. سونداي-اق تۇندە قازاقستاننىڭ سولتۇستىك-باتىسى مەن سولتۇستىگىندە توپىراق بەتىندە 1 گرادۋسقا دەيىن ۇسىك كۇتىلۋدە»،- دەلىنگەن «قازگيدرومەت» حابارلاماسىندا.
ەلدىڭ سولتۇستىك جارتىسىندا اۋا تەمپەراتۋراسى: تۇندە 2-12، كۇندىز 15-25 جىلى، باتىستا 2-14، كۇندىز 10-24 جىلى، ورتالىقتا جانە شىعىستا 1-18، كۇندىز 15-32 جىلى، وڭتۇستىك جارتىسىندا 10-23، كۇندىز 20-35 جىلى بولادى.