مۇنداي جاردەماقىنى مەملەكەت ازاماتتارى مۇگەدەكتىگى بويىنشا جانە اسىراۋشىسىنان ايىرىلۋ جاعدايىنا بايلانىستى الا الادى.
قازاقستاندىقتارعا جىل باسىنان بەرى مۇگەدەكتىك جانە اسىراۋشىسىنان ايىرىلۋ جاعدايى بويىنشا جاردەماقى تۇرىندە 260 ملرد تەڭگەدەن استام قاراجات تولەندى، دەپ حابارلايدى Almaty-akshamy.kz.
«2021 جىلعى قاڭتار-تامىز ايلارى ارالىعىندا رەسپۋبليكالىق بيۋدجەتتەن مۇگەدەكتىگى بويىنشا مەملەكەتتىك الەۋمەتتىك جاردەماقى تولەۋگە 206،6 ملرد تەڭگە، اسىراۋشىسىنان ايىرىلۋ جاعدايىنا بايلانىستى مەملەكەتتىك الەۋمەتتىك جاردەماقى تولەۋگە 54،3 ملرد تەڭگە باعىتتالدى»، – دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
2021 جىلدىڭ تامىز ايىندا رەسپۋبليكالىق بيۋدجەتتەن مۇگەدەكتىگى بويىنشا مەملەكەتتىك الەۋمەتتىك جاردەماقى تولەۋگە 26،1 ملرد تەڭگە، اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى تولەۋگە 6،5 ملرد تەڭگە جۇمسالدى.
2021 جىلعى 1 قىركۇيەكتەگى جاعداي بويىنشا، مۇگەدەكتىگىنە بايلانىستى مەملەكەتتىك الەۋمەتتىك جاردەماقى الۋشىلاردىڭ سانى 528،6 مىڭ ادامدى، اسىراۋشىسىنان ايىرىلۋ جاعدايى بويىنشا 160 مىڭ ادامدى قۇرايدى.
مۇگەدەكتىك جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبىنا جانە سەبەبىنە، قايتىس بولعان (قازا تاپقان) اسىراۋشىنىڭ اسىراۋىنداعى ادامدار سانىنا، سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭىندا بەلگىلەنەتىن ەڭ تومەن كۇنكورىس دەڭگەيىنىڭ شاماسىنا بايلانىستى بولادى.
2021 جىلعى 1 قىركۇيەكتەگى جاعداي بويىنشا مۇگەدەكتىگى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى 49 375 تەڭگەنى، اسىراۋشىدان ايىرىلۋ جاعدايى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى 40 543 تەڭگەنى قۇرادى.