ق ر مادەنيەت جانە سپورت ۆيسە-مينيسترى قىزمەتىنەن كەتتى
ق ر ۇكىمەتىنىڭ قاۋلىسىمەن ەرلان قوجاعاپانوۆ ق ر مادەنيەت جانە سپورت ۆيسە-مينيسترى قىزمەتىنەن بوساتىلدى، دەپ حابارلايدى Almaty-akshamy.kz. Primeminister.kz.
ەرلان قوجاعاپانوۆ 1968 جىلى الماتى وبلىسىندا دۇنيەگە كەلگەن.
1992 جىلى ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، 1999 جىلى اباي اتىنداعى الماتى مەملەكەتتىك ۋنيۆەرسيتەتىن ءتامامداعان.
2006 جىلى رەسەي كەدەن اكادەمياسىن بىتىرگەن. ماماندىعى بويىنشا بىلىكتىلىگى — زاڭگەر، ەكونوميست، قارجىگەر، كەدەن ءىسىنىڭ مامانى. ەڭبەك جولىن 1989 جىلى باستاعان.
1990-1994 جىلدارى كاسىپكەرلىك قىزمەتپەن اينالىسقان. 1994-2007 جىلدارى مەملەكەتتىك ورگاندار مەن كاسىپورىنداردا جۇمىس ىستەگەن.
2007-2013 جىلدارى استانا قالاسى اكىمىنىڭ ورىنباسارى قىزمەتىن اتقارعان.
2013-2016 جىلدارى ق ر سپورت جانە دەنە شىنىقتىرۋ ىستەرى اگەنتتىگىنىڭ ءتوراعاسى، ق ر فۋتبول فەدەراسياسىنىڭ پرەزيدەنتى قىزمەتتەرىن اتقارعان.
2016 جىلعى جەلتوقساننان باستاپ 2017 جىلعى قاراشا ارالىعىندا ق ر پرەمەر-مينيسترى كەڭەسشىسىنىڭ م. ا.، كەڭەسشىسى قىزمەتىن اتقارعان.
2017-2020 جىلدارى — ق ر مادەنيەت جانە سپورت ۆيسە-مينيسترى.
2020-2021 جىلدارى — الماتى قالاسى اكىمىنىڭ ءبىرىنشى ورىنباسارى.
2021 جىلعى ساۋىردەن باستاپ قازىرگى ۋاقىتقا دەيىن ق ر مادەنيەت جانە سپورت ۆيسە-مينيسترى بولدى.