200 جىلدىق تاريحى بار جادىگەر مۇراجاي قورىنا تاپسىرىلدى
تانىمال ارحەولوگ اندرەي استافيەۆ 200 جىل بۇرىن كاسپيي تەڭىزىندە بولعان كەمەنىڭ بەكىتۋ بۇراندالارى مەن شەگەلەرىن تاپتى، دەپ حابارلايدى Almaty-akshamy.kz.
تاريحي جادىگەر ءتۇپقاراعان اۋدانىنا قاراستى «تۇلكىلى ساي» دەگەن جەردەگى تەڭىز جاعالاۋىندا كومىلىپ جاتقان.
ارحەولوگتىڭ مالىمەتىنشە، كەمە حVIII عاسىردىڭ سوڭىندا كاسپيي تەڭىزىندە اپاتقا ۇشىراعان. سۋ قۇرالىنىڭ اعاش شانتاعىن سۋ شايىپ كەتكەنىمەن، تەمىر بۇيىمدار تەڭىز تۇبىندە شوگىپ قالا بەرگەن.
اندرەي استافيەۆ بۇل ولجانى ءابىش كەكىلباي ۇلى اتىنداعى وبلىستىق تاريحي-ولكەتانۋ مۋزەيىنىڭ قورىنا تاپسىردى.
ارحەولوگتىڭ مۇراجايعا بەرگەن سىيى جالعىز بۇل ەمەس.
«قاراقاباق قالاشىعىنا ارحەولوگيالىق قازبا جۇمىستارىن جۇرگىزۋ كەزىندە ۇڭگىرگە تاپ بولىپ، ونىڭ ىشىنەن كەندىر ارقان مەن ارقانعا بايلانعان ىلمەكتەر تاپقان. كەمەگە قاتىستى زاتتار ەكەنى كورىنىپ تۇر. كەمە ءبىر عاسىر بۇرىن ازىرلەنسە دە، قۇرعاق جەردە جاتقاندىقتان، جاقسى ساقتالعان»، - دەيدى ماڭعىستاۋ وبلىسى اكىمىنىڭ باسپا ءسوز قىزمەتى.