زەينەتكەرلەر سانى 2 ملن 239 مىڭ ادامدى قۇرايدى.
قازاقستان ۇكىمەتى وسى جىلدىڭ باسىنان بەرى مەملەكەت زەينەتكەرلەرىنە 1،3 ترلن-نان استام تەڭگە كولەمىندە زەينەتاقى تولەگەن، دەپ حابارلايدى Almaty-akshamy.kz.
«2021 جىلدىڭ قاڭتار - ماۋسىم ايلارىندا رەسپۋبليكالىق بيۋدجەتتەن بازالىق زەينەتاقى تولەۋگە 410،8 ملرد تەڭگە، ىنتىماقتى زەينەتاقى تولەمدەرىنە 928،9 ملرد تەڭگە باعىتتالدى»، – دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
2021 جىلعى ماۋسىمدا رەسپۋبليكالىق بيۋدجەتتەن زەينەتاقى تولەمدەرىنە 222،3 ملرد تەڭگەدەن استام، ونىڭ ىشىندە بازالىق زەينەتاقىنى تولەۋگە 68،2 ملرد تەڭگە، ىنتىماقتى زەينەتاقىنى تولەۋگە – 154،1 ملرد تەڭگە باعىتتالدى.
مامانداردىڭ ايتۋىنشا، زەينەتاقى تولەمدەرىنىڭ ورتاشا مولشەرى (ونىڭ ىشىندە بازالىق زەينەتاقى) 2021 جىلعى 1 شىلدەدەگى جاعداي بويىنشا 99 898 تەڭگەنى قۇرادى.
ەسكە سالايىق، 2018 جىلعى 1 شىلدەدەن باستاپ مەملەكەتتىك بازالىق زەينەتاقى تولەمى، ونىڭ زەينەتاقى جۇيەسىندەگى تاجىريبەسىن ەسكەرە وتىرىپ، ءار الۋشىعا جەكە تاعايىندالادى.
«بۇل رەتتە 1998 جىلعى 1 قاڭتارداعى جاعداي بويىنشا ىنتىماقتى جۇيەدە جۇمىس ىستەگەن ۋاقىتى، سونداي-اق مىندەتتى زەينەتاقى جارنالارى تولەنگەن كەزەڭدەر (بۇدان ءارى - مزج) زەينەتاقى جۇيەسىندەگى ەڭبەك وتىلىنە قوسىلادى.سونىمەن، ەگەر زەينەتاقى جۇيەسىندەگى جۇمىس ءوتىلى 10 جىل نەمەسە ودان از بولسا، سونداي-اق ەگەر مۇلدە جوق بولسا، بازالىق زەينەتاقى ەڭ تومەنگى كۇنكورىس دەڭگەيىنىڭ 54%-ىن قۇرايدى، سودان كەيىن 10 جىلدان اسقان ءار جىل ءۇشىن ونىڭ مولشەرى 2%-عا ارتادى. مىسالى، ەگەر ءسىز 20 جىل قاتىسساڭىز، بازالىق زەينەتاقى كۇنكورىس دەڭگەيى قۇنىنىڭ 74%-دى، 30 جىل – كۇنكورىس قۇنىنىڭ 94%-ىن قۇرايدى. 33 جانە ودان دا كوپ جىل جۇمىس ءوتىلى بولسا، كۇنكورىس قۇنىنىڭ 100% جوعارى مولشەرىندە بەلگىلەنەدى»، – دەيدى ماماندار.
بۇل رەتتە، 1998 جىلعى 1 قاڭتارداعى جاعداي بويىنشا، ىنتىماقتى جۇيەدە جۇمىس ىستەگەن ۋاقىتى، سونداي-اق مىندەتتى زەينەتاقى جارنالارى تولەنگەن كەزەڭدەر (بۇدان ءارى - مزج) زەينەتاقى جۇيەسىندەگى ەڭبەك وتىلىنە قوسىلادى.
سونىمەن، ەگەر زەينەتاقى جۇيەسىندەگى جۇمىس ءوتىلى 10 جىل نەمەسە ودان از بولسا، سونداي-اق ەگەر مۇلدە جوق بولسا، بازالىق زەينەتاقى ەڭ تومەنگى كۇنكورىس دەڭگەيىنىڭ 54%-ىن قۇرايدى، سودان كەيىن 10 جىلدان اسقان ءار جىل ءۇشىن ونىڭ مولشەرى 2%-عا ارتادى. مىسالى، ەگەر ءسىز 20 جىل قاتىسساڭىز، بازالىق زەينەتاقى كۇنكورىس دەڭگەيى قۇنىنىڭ 74%-دى، 30 جىل – كۇنكورىس قۇنىنىڭ 94%-ىن قۇرايدى. 33 جانە ودان دا كوپ جىل جۇمىس ءوتىلى بولسا، كۇنكورىس قۇنىنىڭ 100% جوعارى مولشەرىندە بەلگىلەنەدى»، – دەيدى ماماندار.
ەگەر ءبىر اي ىشىندە مزج بىرنەشە رەت ءبىرىڭعاي جيناقتاۋشى زەينەتاقى قورىنا جاسالسا، جيناقتاۋشى جۇيەگە قاتىسۋ مەرزىمى ءبىر ايدى قۇرايدى.
وسىلايشا، مىندەتتى زەينەتاقى جارنالارى نەعۇرلىم تۇراقتى جانە تولىق سالىناتىن بولسا، زەينەتاقى جاسىنا جەتكەندە بازالىق زەينەتاقى تولەمدەرىنىڭ مولشەرى سوعۇرلىم كوپ بولادى.
ءوز كەزەگىندە، جاسىنا بايلانىستى زەينەتاقى تولەمدەرىنىڭ مولشەرى 1998 جىلعى 1 قاڭتارداعى جۇمىس وتىلىنە (كەم دەگەندە 6 اي قاجەت) جانە زەينەتكەرلىككە دەيىنگى كەزەڭدە الىنعان ورتاشا ايلىق تابىسقا بايلانىستى بولادى.