الماتىدا BEKZAT BOXING CLUB اتىنداعى سپورت كەشەنى اشىلدى. استانا كۇنى قارساڭىندا مەدەۋ، الاتاۋ اۋداندارىنىڭ جاسوسپىرىمدەرى مەن تۇرعىندارىنا جاسالعان يگى ءىس بولدى. وسى ورايدا ينيسياتيۆا اۆتورى سىرلىبايەۆ باعداتپەن سۇحباتتاسقان ەدىك.
- ارمىسىز، بوكس زالىنىڭ اشىلۋى تۋراسىندا تولىعىراق ايتىپ بەرسەڭىز؟
- بۇل - قالاداعى 4ء-شى بوكس زالى. اشىلۋ سالتاناتىنا قاتىسقان مەدەۋ اۋدانىنىڭ اكىمى سايران سايفەدەنوۆ جاس ورەندەرگە ساتتىلىك تىلەدى. ايتا كەتەرلىگى، ەشقانداي دەمەۋشىسىز، ءوز قاراجاتىما سالىندى.
- سپورت كەشەنىنىڭ سىيىمدىلىعى قانشا سپورتشىعا ەسەپتەلگەن؟
جالپى، 200 بالاعا نەگىزدەلگەن. ودان بولەك، 2ء-شى قاباتتا بي ۇيىرمەسى بار. ول جەردە شامامەن 100-150 ادام بي، گيمناستيكا، ت.ب جاتتىعا الادى. ال استىندا ءبىرىڭعاي بوكسپەن اينالىسادى. سونىمەن قاتار، ۇيرەنەم، كورەم، ءوزىم ءۇشىن قاتىسام دەۋشىلەرگە ەسىگىمىز اشىق. ۇلكەندەرگە دە بىلعارى قولعاپتىڭ قىر-سىرىن ۇيرەتەمىز.
- بەكزات ەسىمىن بەرۋدەگى ماقسات قانداي؟
- سۇراعىڭىز ورىندى. ءقازىر كوپتەگەن بوكس ورتالىقتارى بوي كوتەرگەن. ءارقايسىسىنا ءارتۇرلى ەسىم بەرىلۋدە. ءتىپتى شەتەلدىك اتاۋلاردى دا كورۋدەمىز. ەندى، بىزدەر وسى سالادا جۇرگەننەن كەيىن وزگەشە نىسپى بەرۋ – سىن بولار. بەكزات ساتتارحانداي باتىرىمىز، داڭقتى بوكسشىمىز، وليمپيادا چەمپيونىنىڭ اتى وشپەسىن دەگەن ماقساتتا قويىلدى. بۇگىنگى جاستاردىڭ كوبىسى ونى بىلە بەرمەيدى. ءوز قاتارلاستارىمىز عانا ەمەس، كوپشىلىكتىڭ دە كەڭىنەن تانىعانى ابزال. بار ويىمىز - قازاق حالقىنىڭ ايبىندى ۇلدارى ۇمىت قالماۋى ءتيىس.
- الداعى جوسپارلارىڭىزبەن بولىسسەڭىز؟
- مەنىڭ تۇپكى كوزدەگەنىم - بوكستى وركەندەتۋ. بالالاردى سپورتقا باۋلۋ. جاستاردى سالاۋاتتى ءومىر سالتىنا تاربيەلەۋ. ارنيە، جەڭىمپازدار شىعارۋ. ءاربىر قىزىعۋشى تالانتقا بارىنشا جاقىن بولۋ. ولارعا جاعداي جاساپ، جول كورسەتۋ. سونىمەن بىرگە ەلىمىزدىڭ وزگە وڭىرلەرىننەن دە، سپورت كەشەندەرى مەن شارشى الاڭداردىڭ ىرگەسىن قالاعىمىز كەلەدى. ول ءىس ويدا ءھام جوسپاردا تۇر.
- اڭگىمەڭىزگە راحمەت!