قازاقستان ازاماتتارىنىڭ باسپانا قولجەتىمدىلىگى مەن مەملەكەتتىك قولداۋعا قاتىستى پىكىرى تۋرالى جاڭا زەرتتەۋ ناتيجەلەرى جاريالاندى. ۇلتتىق ستاتيستيكا بيۋروسى جۇرگىزگەن ساۋالناماعا سايكەس، رەسپوندەنتتەردىڭ تەك 25%-ى ءوز قاراجاتىمەن تۇرعىن ءۇي ساتىپ الۋعا مۇمكىندىگى بار ەكەنىن مالىمدەگەن، دەپ حابارلايدى aqshamnews.kz.
2023 جىلمەن سالىستىرعاندا بۇل كورسەتكىش 20،5%-دان 25%-عا وسكەن. ساراپشىلاردىڭ ايتۋىنشا، تۇرعىن ءۇيدى ءوز كۇشىمەن ساتىپ الۋعا دەگەن سەنىم بىرتىندەپ ارتقانىمەن، ازاماتتاردىڭ كوپشىلىگى ءالى دە باسپانا ماسەلەسىندە قيىندىقتارعا تاپ بولۋدا.
ساۋالناما ناتيجەلەرى:
باسپانا قولجەتىمدىلىگىنە تولىق قاناعاتتانعاندار – 25%؛
جارتىلاي قاناعاتتانعاندار – 39،6% (2023 جىلى بۇل كورسەتكىش 40،1% بولعان)؛
باسپانا ساتىپ الۋعا مۇلدەم مۇمكىندىگى جوق ەكەنىن ايتقاندار – 20،5%؛
جاۋاپ بەرۋگە قينالعاندار – 14،9%.
مەملەكەتتىك قولداۋ تۋرالى پىكىرلەر:
ساۋالنامادا تۇرعىنداردىڭ مەملەكەتتىك قولداۋ شارالارىنا دەگەن كوزقاراسى دا زەرتتەلدى. ناتيجەلەرگە سايكەس:
مەملەكەتتىك قولداۋعا تولىق قاناعاتتانعاندار – 24،5%؛
جارتىلاي قاناعاتتانعاندار – 36،5%؛
قاناعاتتانباعاندار – 24،9%؛
جاۋاپ بەرۋگە قينالعاندار – 14،1%.
ساراپشىلاردىڭ پىكىرىنشە، مەملەكەت تاراپىنان باسپانا ماسەلەسىن شەشۋ ءۇشىن قابىلدانىپ جاتقان شارالارعا قاراماستان، تۇرعىنداردىڭ تولىق قاناعاتتانۋى ءۇشىن ءالى دە كەشەندى شەشىمدەر قاجەت. قازاقستان ازاماتتارىنىڭ كوپشىلىگى ءۇشىن تۇرعىن ءۇي ماسەلەسى وزەكتى بولىپ قالۋدا.