جەرگىلىكتى پوليسيا قىزمەتىنىڭ بولىمشەلەرى ءبىرقاتار ۇيىمداستىرۋشىلىق-تاجىريبەلىك شارالاردى قابىلدادى.
الماتى پوليسياسى قوعامدا، قوعامدىق تارتىپكە ءقاۋىپ توندىرەتىن قۇقىق بۇزۋشىلىقتارعا مۇلدەم توزبەۋشىلىكتى قالىپتاستىرۋ بويىنشا جۇمىس جۇرگىزۋدە، دەپ حابارلايدى aqshamnews.kz Polisia.kz-كە سىلتەمە جاساپ.
«نولدىك توزىمدىلىك – ۇساق بۇزاقىلىق، تىنىشتىقتى بۇزۋ جانە باسقا دا ۇساق قۇقىق بۇزۋشىلىقتارعا تەرىس رەاكسيا. ءاربىر ازامات ادامداردىڭ قۇقىعىن قۇرمەتتەپ، قوعامدىق تىنىشتىقتى بۇزباي، ءوز مادەنيەتىن كورسەتۋى كەرەك. بۇگىنگى كۇنى كوشەدەگى قىلمىستاردىڭ الدىن الۋدىڭ باستى تۇتقاسى – اكىمشىلىك قۇقىق بۇزۋشىلىقتاردىڭ دەر كەزىندە جولىن كەسۋ، سونداي-اق ولاردىڭ جاسالۋىنا مۇلدەم توزبەۋشىلىك تانىتۋ. سونىمەن قاتار ۇساق قۇقىق بۇزۋشىلىقتاردىڭ الدىن الۋدا قالاداعى زاڭدىلىق پەن ءتارتىپتىڭ جاي-كۇيىنە بەي-جاي قارامايتىن ازاماتتىق قوعامداستىققا ەرەكشە ءرول بەرىلگەنىن ايتا كەتكەن ءجون»، - دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى ايتان ەلەۋسىزوۆ.
سپيكەر، ستۋدەنت جاستار اراسىندا مۇلدەم توزبەۋشىلىكتى قالىپتاستىرۋ جۇمىستارى جۇرگىزىلىپ جاتقانىن دا اتاپ ءوتتى. الماتىداعى جيىرما ءبىر جوعارى وقۋ ورنىندا ستۋدەنتتىك قۇقىق قورعاۋ جاساقتارى قۇرىلدى. انىقتاما ءۇشىن: - ۇساق بۇزاقىلىق – 10 مىڭ 415 دەرەك؛ - اباتتاندىرۋ ەرەجەلەرىن بۇزۋ – 23 مىڭ 021 دەرەك؛ - تىنىشتىقتى بۇزۋ – 8 مىڭ 909 دەرەك؛ - كوشەدە الكوگولدىك ىشىمدىكتەردى ءىشۋ جانە قوعامدىق ورىندارعا ماس كۇيدە كەلۋ – 15 مىڭ 525 دەرەك؛ - قوعامدىق ورىنداردا تەمەكى شەگۋ، ونىڭ ىشىندە كاليان شەگۋ – 6 مىڭ 579 دەرەك جانە ت.ب.