وڭىرلەر بويىنشا ەڭ كوپ شىعىن الماتى قالاسىنىڭ تۇرعىندارىنا تيەسىلى.
2021 جىلدىڭ ءۇشىنشى توقسانىندا جان باسىنا شاققانداعى شىعىن 206،4 مىڭ تەڭگەگە جەتتى، بۇل وتكەن جىلمەن سالىستىرعاندا 15%-عا ارتىق، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
وڭىرلەر بويىنشا ەڭ كوپ شىعىن الماتى قالاسىنىڭ تۇرعىندارىنا تيەسىلى: 2021 جىلدىڭ ءۇشىنشى توقسانىندا 178،4 مىڭ تەڭگەنى قۇراعان، بۇل وتكەن جىلمەن سالىستىرعاندا 9،1%-عا كوپ. سونىمەن قاتار قاراعاندى وبلىسى (جان باسىنا شاققاندا 269،3 مىڭ تەڭگە، ءبىر جىلدا 15،2%-عا ارتقان) مەن ەلوردا (252،4 مىڭ تەڭگە، ءبىر جىلدا 24،1%-عا ارتقان) تۇرعىندارىنىڭ شىعىندارى جوعارى. بيىل تۇركىستان وبلىسى تۇرعىندارىنىڭ شىعىندارى كۇرت ءوستى: ءبىر جىلدىڭ ىشىندە 26%-عا كوتەرىلىپ، 141،5 مىڭ تەڭگەنى قۇرادى؛ اتىراۋ جانە ماڭعىستاۋ وبلىستارى تۇرعىندارى شىعىندارىنىڭ ءوسۋى ەڭ از ايىرماشىلىق كورسەتتى – ءبىر جىلدا ەكى وڭىردە دە 5،7%-عا ارتىپ، سايكەسىنشە 167،5 مىڭ جانە 163،6 مىڭ تەڭگە بولدى.
شىعىنداردىڭ 93،3%-ى – تۇتىنۋشىلىق شىعىندار: 192،5 مىڭ تەڭگە – وتكەن جىلمەن سالىستىرعاندا 15،5%-عا كوپ. ولاردىڭ ىشىندە 109 مىڭ تەڭگە ازىق-تۇلىك تاۋارلارىنا جۇمسالعان، ازىق-تۇلىك ەمەس تاۋارلارعا 51،3 مىڭ تەڭگە؛ اقىلى قىزمەتتەرگە 32،3 مىڭ تەڭگە كەتكەن. نەسيە مەن قارىزداردى جابۋعا 9،8 مىڭ تەڭگە جۇمسالعان، تۋىستارعا ماتەريالدىق كومەك پەن اليمەنتكە 3،7 مىڭ تەڭگە، سالىق جانە وزگە دە تولەمدەرگە 395 مىڭ تەڭگە جۇمسالعان.