الماتى قالاسى بويىنشا قارجىلىق مونيتورينگ اگەنتتىگىنىڭ اۋماقتىق دەپارتامەنتى ماتەريالدىق سىياقى الۋ ءۇشىن جالعان شوت-فاكتۋرالار مەن باستاپقى بۋحگالتەرلىك قۇجاتتاردى شىعارۋمەن اينالىسقان ق.بولات، ۋ.قىستاۋبايەۆ باسقارعان 7 ادامنان تۇراتىن قىلمىستىق توپقا جانە باسقا دا تۇلعالارعا قاتىستى سوتقا دەيىنگى تەرگەپ-تەكسەرۋدى اياقتادى، دەپ حابارلايدى اlmaty-akshamy.kz ق ر قما باسپا ءسوز قىزمەتىنە سىلتەمە جاساپ.
تەرگەۋ بارىسىندا اتالعان تۇلعالاردىڭ وزدەرىنىڭ باقىلاۋىنداعى 4 كوممەرسيالىق كومپانيا ارقىلى قىزمەتتەر كورسەتۋ جانە تاۋارلاردى جونەلتۋ، جۇمىستاردى ناقتى ورىنداماي جالعان شوت-فاكتۋرالاردى شىعارىپ، سالىق تولەۋدەن جالتارۋ، 2018-2020 جىلدار ارالىعىندا جالپى سوماسى 3 ملرد. تەڭگەنى قۇراعان كوممەرسيالىق ۇيىمدارعا جۇمىستار جاساعان.
ايىپتالۋشىلاردىڭ تۇرعىلىقتى جەرى بويىنشا ءتىنتۋ جۇرگىزۋ بارىسىندا مورلەر، بانك كارتالارى، كومپيۋتەرلەر، نوۋتبۋكتەر، بۇرىن قولما-قول الىنعان 7 ملن.تەڭگە اقشاسى، سونداي-اق، سالماعى 849 گر بولاتىن تىيىم سالىنعان «ماريحۋانا» ەسىرتكى زاتتارىن ءوسىرۋ فاكتىسى انىقتالدى.
سوت ۇكىمىمەن ايىپتالۋشىلار ق ر قك-نىڭ 216-بابىنىڭ 3-بولىگى (ءىس جۇزىندە جۇمىستار ورىندالماي، قىزمەتتەر كورسەتىلمەي جانە تاۋار تيەپ-جونەلتىلمەي شوت-فاكتۋرا جازۋ بويىنشا ىس-ارەكەتتەر جاساۋ) بويىنشا كىنالى دەپ تانىلىپ، 3 جىلدان 4،8 جىلعا دەيىن ءارتۇرلى مەرزىمگە باس بوستاندىعىنان ايىرۋعا سوتتالعان.
تىيىم سالىنعان ەسىرتكى زاتتاردى تابۋ فاكتىسى بويىنشا سوتقا دەيىنگى تەرگەۋ الماتى قالاسىنىڭ پد تەرگەۋى بويىنشا بەرىلدى.