ول ارنايى وپەراسيالار كۇشتەرىنىڭ قولباسشىسى بولدى.
مەملەكەت باسشىسىنىڭ وكىمىمەن بولات جارقىمباي ۇلى جورابايەۆ قازاقستان رەسپۋبليكاسى قارۋلى كۇشتەرى ارنايى وپەراسيالار كۇشتەرىنىڭ قولباسشىسى لاۋازىمىنا تاعايىندالدى، دەپ حابارلايدى Almaty-akshamy.kz قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
ەستەرىڭىزگە سالا كەتسەك، ەل پرەزيدەنتىنىڭ 2022 جىلعى 19 قاڭتارداعى №779 جارلىعىمەن قارۋلى كۇشتەردىڭ قۇرامىنا كىرەتىن ارنايى وپەراسيالار كۇشتەرىنىڭ قولباسشىلىعى قۇرىلدى.
ارنايى وپەراسيالار كۇشتەرى ەلدىڭ قورعانىس قابىلەتى مەن اسكەري قاۋىپسىزدىگىن قامتاماسىز ەتۋ اياسىندا، ونىڭ ىشىندە انتيتەررورلىق وپەراسيالارعا جانە زاڭسىز قارۋلانعان قۇرالىمدارعا قارسى ءىس-قيمىل جاساۋعا قاتىسۋ ارقىلى ارنايى مىندەتتەردى شەشۋگە ارنالعان.
قورعانىس مينيسترلىگى قولباسشىلىقتىڭ كۇشتەرى مەن قۇرالدار قۇرامىن، مىندەتتەرى مەن فۋنكسيالارىن ايقىندادى. ونى قۇرۋعا قاجەتتى الەۋەت بار.