قۇجاتتا ەندى ازاماتتىڭ جىنىسى مەن ازاماتتىعىن جازۋ جوسپارلانىپ وتىر.
ىشكى ىستەر مينيسترلىگى قازاقستاندىقتاردىڭ جەكە كۋالىگىنە وزگەرتۋلەر ەنگىزۋدى كوزدەپ وتىر. بۇل تۋرالى اشىق نقا پورتالىنداعى قۇجات جوباسىنان بەلگىلى بولدى، دەپ حابارلايدى اlmaty-akshamy.kz.
اتاپ ايتقاندا، جەكە كۋالىكتە ەندى ونىڭ يەسىنىڭ جىنىسى مەن ازاماتتىعى تۋرالى مالىمەت بەرىلەدى.
"جەكە باستى كۋالاندىراتىن قۇجاتتار تۋرالى" ق ر زاڭىنىڭ 7-بابىنىڭ 1-تارماعىنىڭ 3-تارماقشاسىنا سايكەس جەكە باستى كۋالاندىراتىن قۇجاتتاردا ازاماتتىڭ جىنىسى تۋرالى مالىمەتتەر بولادى. ق ر ازاماتىنىڭ جەكە كۋالىگىنىڭ اعىمداعى نۇسقاسىندا ازاماتتىڭ جىنىسى تۋرالى اقپارات قۇجاتتىڭ چيپىندە جانە ونىڭ ماشيناداوقىلاتىن ايماعىندا كودتالعان تۇردە قامتىلادى. وسىعان بايلانىستى، كورنەكى ايماقتا جىنىسى تۋرالى اقپاراتتى كورسەتۋ ۇسىنىلادى"، – دەلىنگەن ىشكى ىستەر مينيسترلىگىنىڭ تۇسىندىرمە جازباسىندا.
جاڭا جوبانى جاريا تالقىلاۋ مەرزىمى – 21 مامىرعا دەيىن.