16 ميلليون قازاقستاندىقتىڭ اتى-جونىمەن قاتار، جەكە كونتاكتىسى مەن جسن دەرەكتەرى جەلىگە تاراعان، دەپ حابارلايدى aqshamnews.kz
SexuriXy.kz تەلەگرام ارناسىنىڭ مالىمەتىنشە، ماسەلە ارحيۆ دەرەكتەرىندە بولىپ وتىر. تاراعان دەرەكتەردىڭ اراسىندا ازاماتتاردىڭ ءاتى-جونى، تۋعان كۇنى، ۇلتى، جىنىسى، جسن ءنومىرى، مەكەن-جايى بار. جالپى العاندا جەلىگە 15،8 ميلليون جسن، 16 ميلليون تەلەفون ءنومىرى تاراعان.
مامانداردىڭ الدىن-الا بولجامى بويىنشا مەكەن-جاي باعانىندا ستوماتولوگيا، ەمحانا، سالىق كوميتەتى، ۋنيۆەرسيتەت جانە باسقا ۇيىمداردىڭ مەكەن-جايلارى ءجيى كەزدەسەدى. بۇل مىنانى كورسەتۋى مۇمكىن:
جالپىعا ورتاق/جارتىلاي اشىق API ارقىلى دەرەكتەردى جاپپاي جاريالاۋ؛
رoorly configured قىزمەتتەرىن id ارقىلى ءاتى-جونىن/جسن /تەلەفوندى قايتاراتىن سەرۆەردى بۇزۋ؛
ينتەگراسيالىق جۇيەدە قاتە دەرەكتەر كورسەتىلگەن.
بىلتىر شىلدەدە كيبەرشابۋىلداردى تالداۋ جانە زەرتتەۋ ورتالىعى قازاقستان ازاماتتارىنىڭ جەكە دەرەكتەرى تاعى دا تاراپ كەتكەنىن ايتقان. ورتالىق Telegram مەسسەندجەرىندە قولدانۋشى BreachForums اتتى حاكەرلەر فورۋمىنداعى دەرەكتىڭ ءبارىن جەلىگە جاريا ەتكەنىن مالىمدەگەن.
ولاردىڭ قاتارىنان Spark اتتى كولىك-لوگيستيكا كومپانياسىنىڭ دەرەكتەرى، شاكارىم ۋنيۆەرسيتەتى ستۋدەنتتەرى مەن تالاپكەرلەرىنىڭ دەرەگى، 2022 جىلعى 24 ماۋسىمداعى B2B 2GIS قازاقستان مالىمەتتەرى، Yandex Food پەن 2021 جىلعى Fonbetء-تىڭ قازاقستان مەن رەسەيدەگى پايدالانۋشىلارىنىڭ دەرەكتەرى تابىلعان.
قازاقستاندا جەكە دەرەكتەردىڭ قورعالماعانى ءجيى ءسوز بولادى. بۇعان دەيىن قازاقستاننىڭ مەملەكەتتىك تەحنيكالىق قىزمەتى Zaimer.kz ميكروقارجى ۇيىمىندا 2 ملن كليەنتتىڭ جەكە دەرەگى «قولدى بولعانىن» حابارلاعان. سول ۋاقىتتا كومپانيا سەرۆەرىنە شابۋىل جاسالعان، ازاماتتاردىڭ جەكە دەرەكتەرى (ءاتى-جونى، ەلەكترون جاشىگى، جەكە قۇجاتىنىڭ ءنومىرى، جۇمىس ورنى، مەكەنجايى، بانك ەسەپشوتىنىڭ ءنومىرى) تەلەگرامعا جاريالانىپ كەتكەنى ايتىلعان.