الماتى اكىمى اباي اتىنداعى رەسپۋبليكالىق مەكتەپ-ينتەرناتىنىڭ قۇرىلىس بارىسىن تەكسەردى، - دەپ حابارلايدى اqshamnews.kz.
الماتى اكىمى دارحان ساتىبالدى بوستاندىق اۋدانىندا بوي كوتەرىپ جاتقان اباي اتىنداعى دارىندى بالالارعا ارنالعان رەسپۋبليكالىق مامانداندىرىلعان مەكتەپ-ينتەرناتتىڭ قۇرىلىس الاڭىنا جۇمىس ساپارىمەن باردى.
بۇل ءبىلىم ورداسىنىڭ سالىنۋى ءبىلىم بەرۋ جۇيەسىن دامىتۋعا قوسىلعان قوماقتى ۇلەس بولماق.
مەردىگەر كومپانيالاردىڭ مالىمەتىنە سايكەس، قۇرىلىس جۇمىستارى بەكىتىلگەن كەستەگە ساي ءجۇرىپ جاتىر، مەجەلى مەرزىمنەن كەشىكپەيدى. نەگىزگى تىرەك بولاتىن ءمونوليتتى قۇرىلىم جەدەلدەتىلگەن قارقىنمەن قۇيىلىپ، 10 مامىرعا دەيىن تولىق اياقتالعان.
جوبا اياسىندا 900 ورىنعا ارنالعان شىعارماشىلىق مەكتەبى مەن ينتەرنات، اۋماقتى كوركەيتۋ مەن كوگالداندىرۋ، امفيتەاتردى قايتا جاڭعىرتۋ، ينجەنەرلىك جەلىلەردى تارتۋ جانە اۆتوماتتى سۋارۋ جۇيەسىن ورناتۋ كوزدەلگەن.
قۇرىلىس جۇمىستارىنىڭ سوڭعى كەزەڭىندە دەمەۋشىلەردىڭ قارجىسى ەسەبىنەن زاماناۋي دەنە شىنىقتىرۋ-ساۋىقتىرۋ كەشەنى بوي كوتەرەدى. وعان باسسەين، كۇرەس جانە بوكس زالدارى، سونداي-اق دايىندىق ساباقتارىنا ارنالعان جاتتىعۋ زالى كىرەدى.
قۇرىلىس-مونتاج جۇمىستارى 2025 جىلدىڭ تامىز ايىندا اياقتالادى دەپ جوسپارلانىپ وتىر.