قازاقستاندىقتاردىڭ ەنەرگەتيكا سالاسىنداعى بەلسەندىلىگى ارتقانى بايقالادى. «قازاقستاندىق قوعامدىق دامۋ ينستيتۋتى» 17 وبلىس پەن رەسپۋبليكالىق ماڭىزعا يە 3 قالادا الەۋمەتتىك ساۋالناما جۇرگىزىپ، 8 مىڭعا جۋىق ادامنىڭ 64%ء-ى جالپىۇلتتىق رەفەرەندۋمعا قاتىسۋعا دايىن ەكەندىگىن كورسەتتى.
جاقىندا ينستيتۋت وكىلدەرى اقتاۋ قالاسىندا ەنەرگەتيكا سالاسىنىڭ ماماندارى مەن بەلسەندى ازاماتتاردىڭ قاتىسۋىمەن جيىن وتكىزدى. «Sarap» ەكسپەرتتىك كلۋبى جۇرگىزگەن زەرتتەۋلەردىڭ ناتيجەلەرى تالقىلانىپ، قاتىسۋشىلار اەس سالۋ تۋرالى پىكىر الماستى. ساراپشىلار قاتىسۋشىلاردىڭ ۇسىنىستارىن ورتالىق مەملەكەتتىك ورگاندارعا جەتكىزۋگە ۋادە بەردى.
ولجاس بەيسەنبايەۆ، «قازاقستاندىق قوعامدىق دامۋ ينستيتۋتى» كەاق باسقارما ءتوراعاسىنىڭ ورىنباسارى: "بۇل ءبىر جاعىنان حالىق اراسىندا جۇرگىزىلىپ جاتقان ءتۇسىندىرۋ جۇمىستارىنىڭ ناتيجەسى دەپ بىلەمىن. اەس سالۋ ماسەلەسىندە جەرگىلىكتى تاجىريبەلى مامانداردىڭ پىكىرىن ەستۋ وتە ماڭىزدى. ءبىز الماتى، سولتۇستىك قازاقستان وبلىستارىندا دا مامانداردىڭ كوزقاراستارىن تىڭدادىق. بۇگىنگى تاڭدا قاۋىپسىزدىك، ەكولوگيا، مامان دايارلاۋ ماسەلەلەرى وڭىرلىك دەڭگەيدە دە تالقىلانىپ جاتىر."