جىل باسىنان بەرى «جولاۋشىلار تاسىمالى» اق قىزمەتكەرلەرى كولىكتىك پوليسيامەن بىرلەسىپ، پويىزدارداعى قوعامدىق ءتارتىپتى بۇزعانى ءۇشىن 117 جولاۋشىنى تۇسىرگەن.
بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 22%-عا تومەن، دەپ حابارلايدى aqshamnews.kz Rail-news.kz-كە سىلتەمە جاساپ.
تەمىرجول كولىگىمەن جولاۋشىلاردى، باگاجدى، جۇكباگاجدى جانە پوشتا جونەلتىلىمدەرىن تاسىمالداۋ ەرەجەلەرىنە سايكەس، جولاۋشىنى كەلەسى جاعدايلاردا پويىزدان تۇسىرەدى:
1. ەگەر جولاۋشى الكوگول نەمەسە ەسىرتكى اسەرىنەن ماس كۇيدە بولىپ، ءوز ىس-ارەكەتتەرىمەن ءقاۋىپ ءتوندىرىپ نەمەسە باسقا جولاۋشىلارعا قولايسىزدىق كەلتىرسە.
2. ەگەر جولاۋشى ۆاگوننىڭ ءىشىندن تەمەكى شەكسە.
3. ەگەر جولاۋشى جەكە باسىن كۋالاندىراتىن قۇجاتتاردى كورسەتۋدەن باس تارتىپ، پويىز بيلەتى بولماعان جاعدايدا.
4. ەگەر جولاۋشى باسقا جولاۋشىلارعا نەمەسە پويىز قىزمەتكەرلەرىنە قاتىستى اگرەسسيۆتى ارەكەت جاساسا.
5. ەگەر جولاۋشى وزىمەن بىرگە اينالاسىنداعىلارعا ءقاۋىپ توندىرەتىن تىيىم سالىنعان زاتتار نەمەسە جۇكتەر الىپ جۇرسە.
«جولاۋشىلار تاسىمالى» اق تەمىرجول كولىگىندەگى قاۋىپسىزدىكتى ارتتىرۋ ماقساتىندا زاماناۋي تەحنولوگيالاردى بەلسەندى ەنگىزۋدە. ۇلتتىق تاسىمالداۋشىنىڭ 478 ۆاگونىندا 3 مىڭنان استام بەينەباقىلاۋ كامەراسى ورناتىلعان. بەينەباقىلاۋ جۇيەسى ۆاگون-مەيرامحانالاردا، ۆاگون-بارلاردا، تەمىرجول ستانسيالارى مەن ۆوكزالداردا جۇمىس ىستەيدى. 2025 جىلدىڭ العاشقى جارتىجىلدىعىنىڭ سوڭىنا دەيىن جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا قوسىمشا 1 552 ۆاگونعا كامەرالار ورناتىلادى.