استاناداعى «قازمەديا ورتالىعىندا» 2024 جىلعى 25-27 قىركۇيەك ارالىعىندا مەديا جانە سيفرلىق كوممۋنيكاسيالار سالاسىن دامىتۋ ماسەلەلەرىنە ارنالعان «Astana Media Week 2024» فورۋمى ءوتتى.
مەديا كومپانيالاردىڭ جەتەكشى ساراپشىلارى، حالىقارالىق ۇيىمداردىڭ وكىلدەرى جانە تانىمال جۋرناليستەر يندۋستريا الدىندا تۇرعان وزەكتى ماسەلەلەردى تالقىلادى، دەپ حابارلايدى aqshamnews.kz.
ىسكەرلىك باعدارلاما مەديا ترانسفورماسيا پروسەستەرىنە قاتىساتىن جانە اۋديتوريامەن ءوزارا ءىس- قيمىل جاساۋدىڭ جاڭا فورماتتارىن ىزدەيتىندەردىڭ ءبارى ءۇشىن تارتىمدىلىق ورتالىعىنا اينالدى.
انىق ەمەس ماسەەلەلەردىڭ ارتۋى ءارى زاماناۋيلىقتىڭ داعدارىس جاعدايى سالدارىنان مەدياكەڭىستىك تەرەڭ وزگەرىستەرگە ۇشىراۋدا. سوندىقتان بۇگىندە ۇلتتىق مەدياەكوجۇيەنىڭ تۇراقتىلىعىن نىعايتۋ، اۋديتوريامەن ءوزارا ءىس-قيمىلدىڭ جاڭا فورماتتارىن تابۋ جانە بۇرىن-سوڭدى بولماعان يننوۆاسيا دەڭگەيىندە جۋرناليستيكاعا دەگەن سەنىمدى قالىپتاستىرۋ بۇرىنعىدان دا ماڭىزدى.
سەگىز جىل ىشىندە Astana Media Week قازاقستاندا مەديانىڭ دامۋىنا ايتارلىقتاي اسەر ەتكەن باستامالاردى جۇزەگە اسىردى. بۇل ءۇردىس ودان ءارى جالعاسۋدا جانە قوعامداعى مەديانىڭ ءرولىن نىعايتۋ جولىندا 2024 جىلدىڭ مەديا وقيعاسى تاعى ءبىر ماڭىزدى قادام بولدى.
Astana Media Week 2024 اشىق ديالوگ، يننوۆاسيا جانە پروسەسسكە قاتىسۋشىلاردىڭ ءبارى بىرلەسىپ كۇش-جىگەرلەرىن جۇمسايتىن ءارى قازاقستاندىق مەديا يندۋستريانىڭ بولاشاعى قالىپتاساتىن پلاتفورما بولىپ تابىلادى.
بيىلعى جىلى مەديانى قۇقىقتىق ترانسفورماسيالاۋعا، كوپپلاتفورمالى ەكوجۇيەلەردى دامىتۋعا، وڭىرلىك، سپورتتىق جانە سالالىق جۋرناليستيكاعا، بالالار كونتەنتىنە جانە الەۋمەتتىك شيەلەنىستى باسقارۋداعى احۋالدىق ورتالىقتاردىڭ رولىنە ەرەكشە نازار اۋدارىلدى.
بيىلعى جىلى ءىس-شاراعا DW (گەرمانيا)، NHK (جاپونيا)، ازيا-تىنىق مۇحيتى حابار تاراتۋ ورتالىعى (ABU)، CGTN (جۇڭگو)، TRT World (تۇركيا)، «ياندەكس پليۋس»، Setanta Sports (گرۋزيا) سىندى حالىقارالىق مەديا ۇيىمدار وكىلدەرءى قاتىستى.
ساراپشىلار مەن يندۋستريا كوشباسشىلارى وزدەرىنىڭ بىرەگەي كوزقاراستارى مەن تاجىريبەلەرىن ۇسىندى، بۇل قاتىسۋشىلارعا جاھاندىق ترەندتەرگە ەنۋگە جانە مەدياكوممۋنيكاسيا سالاسىنداعى وزىق تاجىريبەلەرمەن الماسۋعا مۇمكىندىك بەردى.