الەۋمەتتىك زەرتتەۋ 15-24 ناۋرىزى ارالىعىندا جۇرگىزىلگەن.
ق ر پرەزيدەنتى جانىنداعى ورتالىق كوممۋنيكاسيالار قىزمەتى ناۋرىز ايىندا قازاقستاندىقتاردىڭ قوعامدىق كوڭىل-كۇيىن تالداۋ ماقساتىندا الەۋمەتتىك زەرتتەۋ جۇرگىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ساۋالناما ناتيجەسى بويىنشا سۇرالعانداردىڭ 70 پايىزدان استامى پرەزيدەنت قاسىم-جومارت توقايەۆتىڭ قىزمەتىنە وڭ قارايتىنىن ايتقان. بۇل رەتتە رەسپوندەنتتەردىڭ 67،4 پايىزىنىڭ توقايەۆقا قارىم-قاتىناسى سوڭعى سايلانعاننان كەيىن جاقسارعان.
رەسپوندەنتتەردىڭ كوپشىلىگىنىڭ (42،1%) پىكىرىنشە، پرەزيدەنت، ەڭ الدىمەن، ازاماتتاردىڭ قۇقىقتارى مەن بوستاندىقتارىن قامتاماسىز ەتۋگە نازار اۋدارۋى كەرەك، بۇل ەلدەگى سوڭعى قاڭتار وقيعالارىنا بايلانىستى بولۋى مۇمكىن.
بۇل رەتتە وتانداستارىمىزدىڭ 41،4%-ىن جالاقى، زەينەتاقى جانە جاردەماقى دەڭگەيىن كوتەرۋ ماسەلەسى تولعاندىرادى.
رەسپوندەنتتەردىڭ 35،3% ازاماتتاردىڭ قاۋىپسىزدىگىن قامتاماسىز ەتۋدى قولداپ وتىر.
سۇرالعانداردىڭ 35،5 پايىزىن حالىقارالىق بايلانىستاردى نىعايتۋ الاڭداتادى.
ساۋالناماعا قاتىسقانداردىڭ تورتتەن ءبىر بولىگى (26،3%) پرەزيدەنتتىڭ سىبايلاس جەمقورلىققا قارسى كۇرەسكە كوبىرەك كوڭىل بولگەنىن قالايدى.
ساۋالناماعا قاتىسۋشىلاردىڭ جارتىسىنان استامى (56،7%) پرەزيدەنت قىزمەتىنىڭ نەگىزىندە قاۋىپسىزدىك، الەۋمەتتىك ادىلەتتىلىك (35،9%)، تۇراقتى ەكونوميكالىق دامۋ، ءاربىر وتباسىنىڭ اماندىعى، قوعامداعى دوستىق پەن كەلىسىم (26-28%) ماسەلەلەرى بولۋى ءتيىس دەپ ەسەپتەيدى.
رەسپوندەنتتەردىڭ كوپشىلىگى (71،3%) وپتيميستىك كوڭىل-كۇيدە جانە الداعى ەكى جىلدا وزگەرىستەر بولاتىنىنا سەنىممەن قارايدى.
بۇل رەتتە رەسپوندەنتتەردىڭ جارتىسىنان كوبى (51%) قازاقستانداعى ءومىردى جاقسارتۋعا دەگەن ءۇمىتىن تىكەلەي پرەزيدەنتپەن بايلانىستىرادى. ساۋالناماعا قاتىسقانداردىڭ 20،5%-ى ۇكىمەتكە، ال 15%-ى جەرگىلىكتى اتقارۋشى ورگاندارعا ءۇمىت ارتادى. پارلامەنتكە (سەنات، ءماجىلىس) دەگەن سەنىمى – 14،1%.
ەڭ ماڭىزدى قۇندىلىقتى تاڭداعاندا رەسپوندەنتتەردىڭ كوپشىلىگى ءبىرىنشى ورىنعا قاۋىپسىزدىكتى قويدى (60،2%). ساۋالناماعا قاتىسۋشىلاردىڭ 34،3%-ى ءۇشىن ەڭ ماڭىزدى قۇندىلىق - تاۋەلسىزدىك.
الەۋمەتتىك زەرتتەۋ 15-24 ناۋرىزى ارالىعىندا جۇرگىزىلدى. قاتىسقان 1863 رەسپوندەنت - 18-50 جاس ارالىعىنداعى ق ر تۇرعىندارى، ينتەرنەت پايدالانۋشىلارى.
ساۋالناما نۇر-سۇلتان، الماتى، شىمكەنت قالالارىندا جانە ەلىمىزدىڭ 14 وبلىسىندا جۇرگىزىلدى.