ماقساتى – جاستار اراسىندا سالاۋاتتى ءومىر سالتىن، بۇقارالىق سپورتتى، دەنە شىنىقتىرۋ مەن دۇرىس تاماقتانۋدى ناسيحاتتاۋ.
بۇقارالىق جاتتىعۋلار مەن شەبەرلىك ساباقتارىنا ۇيىمداستىرۋشىلار 2000-عا جۋىق جاس قازاقستاندىقتى جۇمىلدىرماق، دەپ حابارلايدى Almaty-akshamy.kz
جاستاردى سالاۋاتتى ءومىر سالتىنا باۋلۋعا باعىتتالعان Fitness Park.KZ الەۋمەتتىك جوباسى ق ر اقپارات جانە قوعامدىق دامۋ مينيسترلىگى جانىنداعى ابقو گرانتى بويىنشا جۇزەگە اسپاق.
ۆەدومستۆونىڭ مالىمەتىنشە، گرانتتىق جوبا جاستار اراسىندا سالاۋاتتى ءومىر سالتىن، بۇقارالىق سپورتتى، دەنە شىنىقتىرۋ مەن دۇرىس تاماقتانۋدى ناسيحاتتاۋ ماقساتىندا جۇزەگە اسا باستادى.
Fitness Park.KZ باعدارلاماسىن ازىرلەۋشىلەر، دەنە شىنىقتىرۋ جانە سپورت ءپانىنىڭ مۇعالىمدەرى، جاتتىقتىرۋشىلار مەن فيتنەس نۇسقاۋشىلار جوبا اياسىنداعى شەبەرلىك ساعاتتارىنىڭ سپيكەرلەرى مەن قاتىسۋشىلارى اتانادى.
بۇقارالىق جاتتىعۋلار مەن شەبەرلىك ساباقتارىنا ۇيىمداستىرۋشىلار 2000-عا جۋىق جاس قازاقستاندىقتى جۇمىلدىرماق. وندا «سپورت – بۇل ءومىر»، «سپورت ءارقاشان مەنىڭ ومىرىمدە»، «تابىستى ادام – سپورتپەن اينالىساتىن ادام»، «جاتتىعۋ جانە دەنساۋلىق»، «Sport like»، «Sport Style» ترەندتەر ناسيحاتتالادى.
«سالاۋاتتى ءومىر سالتىن بارلىق تۇرعىندار، اسىرەسە، وسكەلەڭ ۇرپاق وكىلدەرى ۇستانۋى قاجەت. بۇل، اسىرەسە، پاندەميا كەزىندە ۇلكەن ماڭىزعا يە. وقۋشىلار ونلاين-وقىتۋ فورماتىنا اۋىسىپ، وتىرىقشى ءومىر سالتىن جۇرگىزە باستادى. سپورتپەن اينالىسۋ ءۇشىن ابونەمەنت الۋدىڭ قاجەتى جوق. جاتتىعۋلاردى ءار اۋلاداعى الاڭداردا دا جاساۋعا بولادى. سونداي-اق، دۇرىس تاماقتانۋ دا ماڭىزدى»، – دەيدى «سەرعالي-تۇركىستان» قوعامدىق بىرلەستىگىنىڭ جەتەكشىسى شولپان ۋسمانوۆا.
ۇيىمداستىرۋشىلاردىڭ ايتۋىنشا، جوبا اياسىندا، سونداي-اق، كاسىبي جاتتىقتىرۋشىلاردىڭ قاتىسۋىمەن بەينەروليكتەر دايىندالىپ، جوبانىڭ الەۋمەتتىك پاراقشاسىندا جاريالانباق.