بيىل قازاقستاندا العاش رەت ۇلتتىق كىتاپ كۇنى اتالىپ وتۋدە.
بۇل باستاما – مەملەكەت باسشىسىنىڭ تاپسىرماسىمەن جاريالانىپ، كىتاپتىڭ قوعامداعى ماڭىزىن ارتتىرۋ، وقۋ مادەنيەتىن ارتتىرۋ ماقساتىن كوزدەيدى.
مەرەكەگە دايىندىق اياسىندا 14–18 ءساۋىر ارالىعىندا EGOV mobile پلاتفورماسىندا جۇرگىزىلگەن ساۋالناماعا 46 190 ادام قاتىستى. قاتىسۋشىلاردىڭ 57،3%-ى تۇراقتى تۇردە كىتاپ وقيتىنىن مالىمدەگەن، دەپ حابارلايدى aqshamnews.kz.
نەگىزگى ناتيجەلەر:
• كىتاپ وقۋدىڭ نەگىزگى سەبەبى – ءبىلىم جانە اقپارات الۋ.
• 31% جىلىنا 1–3 كىتاپ، 26.3% – 3 كىتاپتان ارتىق وقيدى.
• 30.6% ۋاقىتى بولماعاندىقتان وقىمايدى،
• تەك 6.2% عانا مۇلدە قىزىقپايدى.
جاس ەرەكشەلىگى بويىنشا:
كىتاپقا ەڭ كوپ قىزىعاتىندار – 18–29 جاس جانە 61 جاستان جوعارى توپتار.
30–45 جاس ارالىعىندا قىزىعۋشىلىق تومەندەۋ.
جانرلىق تالعام:
• تاريحي ادەبيەت – 26.4%
• پۋبليسيستيكا، ءومىرباياندار – 20.5%
• شىتىرمان وقيعالار، ماحاببات روماندارى، دەتەكتيۆتەر – 16.3%
• پسيحولوگيا، ءوزىن-وزى دامىتۋ – 15.4%
• عىلىمي ادەبيەت – 8.2%،
• كلاسسيكا – 7.7%
• ەرلەر – تاريحي جانە عىلىمي ادەبيەتكە بەيىم.
• ايەلدەر – روماندار، پسيحولوگيا جانە دەتەكتيۆتەردى كوبىرەك وقيدى.
وقۋ فورماتى:
• قاعاز كىتاپ – 50.8%
• سمارتفون – 28%
• پلانشەت – 5.3%
• كومپيۋتەر – 3.8%
• باسىپ شىعارىلعان كىتاپ – 1.25%
جاستار كوبىنە سيفرلىق قۇرىلعىلاردى، ال اعا بۋىن قاعاز كىتاپتاردى ءجون كورەدى.