الماتىدا “ءقاۋىپسىز جول” رەسپۋبليكالىق جەدەل الدىن الۋ ءىس-شاراسى اياسىندا پوليسيا قىزمەتكەرلەرى جول قوزعالىسى ەرەجەلەرىن ورەسكەل بۇزۋ دەرەكتەرىن انىقتاۋ جۇمىستارىن جالعاستىرۋدا.
ءجااىش نەگىزگى ماقساتى – جازاتايىم وقيعالاردى ازايتۋ، جول-كولىك وقيعالارىنىڭ الدىن الۋ جانە جولداردا تۇراقتى مىنەز-قۇلىق مادەنيەتىن دامىتۋ. كولىك قۇرالدارىن، ونىڭ ىشىندە موپەدتەردى تىركەۋگە ەرەكشە نازار اۋدارىلادى، دەپ حابارلايدى aqshamnews.kz Polisia.kz-كە سىلتەمە جاساپ.
ولاردىڭ جارتىسىنان كوبى موپەد جۇرگىزۋشىلەرى. بۇل بۇزۋشىلىقتار قاۋىپسىزدىك دەڭگەيىنە تىكەلەي اسەر ەتىپ، جول قوزعالىسىنا قاتىسۋشىلاردىڭ ءومىرى مەن دەنساۋلىعىنا ناقتى ءقاۋىپ توندىرەدى. “ءقاۋىپسىز جول” جەدەل-پروفيلاكتيكالىق ءىس-شاراسى اياسىنداعى جۇمىس تەك زاڭ بۇزۋشىلىقتاردى انىقتاۋعا جانە الدىن الۋعا عانا ەمەس، سونىمەن قاتار جول قوزعالىسى ەرەجەلەرىنە جاۋاپكەرشىلىكپەن قاراۋدى قالىپتاستىرۋعا باعىتتالعان.
— جول قاۋىپسىزدىگى – ءار قاتىسۋشىنىڭ ورتاق جاۋاپكەرشىلىگىنىڭ ناتيجەسى. پوليسيا قىزمەتكەرلەرى كوشەلەردە قايعىلى وقيعالاردى بولدىرماۋ ءۇشىن تاۋلىك بويى ءتارتىپ پەن قاۋىپسىزدىكتى قامتاماسىز ەتۋدە، - دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.