بجزق سالىمشىلارىنىڭ شوتتارىندا 13،0 ترلن تەڭگەگە جۋىق زەينەتاقى جيناعى ساقتاۋلى
قازاقستاندىقتار جىل باسىنان ءبىرىڭعاي جيناقتاۋشى زەينەتاقى قورىنا 523 ميلليارد تەڭگەدەن استام قارجى اۋدارعان، دەپ حابارلايدى Almaty-akshamy.kz قور سايتىنا سىلتەمە جاساپ.
«2022 جىلدىڭ ءتورت ايىندا سالىمشىلاردىڭ شوتتارىنا شامامەن 523،5 ملرد تەڭگە كولەمىندە زەينەتاقى جارنالارى ءتۇستى. بۇل 2021 جىلدىڭ سايكەس كەزەڭىندەگى كورسەتكىشتەن 27% نەمەسە 110،7 ملرد تەڭگەگە كوپ. ءوسىم جارنالاردىڭ بارلىق ءتۇرى بويىنشا بولعانىن اتاپ ءوتۋ كەرەك»، - دەلىنگەن مالىمەتتە.
جالپى، بيىلعى 1 مامىرداعى جاعداي بويىنشا، بجزق سالىمشىلارىنىڭ شوتتارىندا 13،0 ترلن تەڭگەگە جۋىق زەينەتاقى جيناعى ساقتاۋلى.
سالىمشىلاردىڭ جارنالارىنان بولەك، زەينەتاقى جيناقتارى تازا ينۆەستيسيالىق تابىستىڭ ارقاسىندا ارتقان. 2022 جىلدىڭ 1 قاڭتارى مەن 1 مامىرى ارالىعىندا بۇل كورسەتكىش 128،7 ملرد تەڭگە بولدى.
2022 جىلدىڭ 1 مامىرىنا قاراي، بجزق-داعى جەكە زەينەتاقى شوتتارىنىڭ سانى 11،7 ملن جەتتى. شوتتاردىڭ ەڭ كوپ ۇلەسى مىندەتتى زەينەتاقى جارنالارى (مزج) ەسەبىنەن اشىلدى – 10 870 075.
سونداي-اق ءمالىم ەتىلگەندەي، جىل باسىنان بەرى بجزق ءوز سالىمشىلارىنا 921،4 ملرد تەڭگە تولەدى، ونىڭ باسىم بولىگىن تۇرعىن ءۇي جاعدايىن جاقسارتۋ جانە ەمدەۋ ماقساتتارىنا ارنالعان ءبىرجولعى زەينەتاقى تولەمدەرى (بزت) قۇرايدى – 831،7 ملرد تەڭگە. جاسىنا بايلانىستى تولەمدەر – 37،0 ملرد تەڭگە، مۇراگەرلىك بويىنشا تولەمدەر – 23،4 ملرد تەڭگە، ق ر شەگىنەن تىس تتج كەتۋگە بايلانىستى تولەمدەر – 16،9 ملرد تەڭگە، ساقتاندىرۋ ۇيىمدارىنا اۋدارىمدار شامامەن 9،7 ملرد تەڭگە، جەرلەۋگە ارنالعان تولەمدەر – 1،9 ملرد تەڭگە جانە مۇگەدەكتىك بويىنشا تولەمدەر – 0،8 ملرد تەڭگە.