اتالعان كۇن تارتىبىمەن الماتىدا «TALQYLAU» ديالوگ الاڭىنىڭ العاشقى وتىرىسى اشىلدى، دەپ حابارلايدى Almaty-akshamy.kz.
قوعامنىڭ پروگرەسسيۆتى بولىگى بولا وتىرىپ، اماناتتىقتار مەملەكەتتىك-ساياسي مودەلدىڭ جۇيەلى ترانسفورماسياسىنىڭ باعىتىنا باسا نازار اۋداردى.
«بۇل يدەيا ءاربىر قازاقستاندىقتى ەلدىڭ قوعامدىق-ساياسي جۇيەسىن جاڭارتۋعا دەگەن ءبىرتۇتاس ۇمتىلىسقا بىرىكتىرەدى. AMANAT پارتياسىنىڭ الماتى قالالىق شتابىنىڭ جەتەكشىسى مەيىرجان وتىنشييەۆ: «مەملەكەت پەن قوعامنىڭ ءوزارا ءىس – قيمىلىنىڭ جاڭا مودەلىنە كوشۋ – «جاڭا قازاقستاننىڭ» باعدارلارىنىڭ ءبىرى»، - دەپ اتاپ ءوتتى ءوز سوزىندە.
ەڭ جاس ماجىلىسمەن ءمادي احمەتوۆ ەلىمىزدىڭ ساياسي جۇيەسىندەگى وزگەرىستەردىڭ ماڭىزدىلىعىن اتاپ ءوتتى. ونىڭ ايتۋىنشا: «ءوزارا بايلانىستىڭ جاڭا مودەلىنە كوشۋ پارلامەنتتىڭ قارقىندى جۇمىسىن، زاڭ جوبالارىن جەدەل قاراۋدى تالاپ ەتەدى. ءماجىلىستى قالىپتاستىرۋدىڭ ارالاس ۇلگىسىن ەنگىزۋ، پارلامەنتتىڭ باقىلاۋ فۋنكسيالارىن كەڭەيتۋ – وسى جانە باسقا دا كونستيتۋسيالىق وزگەرىستەر پارلامەنتتىڭ ءرولىن ايتارلىقتاي كۇشەيتىپ، مارتەبەسىن كوتەرەدى».
جوعارىدا اتالعان سپيكەرلەردىڭ سوزدەرىن الماتى قالاسى ءماسليحاتىنىڭ AMANAT پارتياسى دەپۋتاتتىق فراكسياسىنىڭ مۇشەلەرى التىناي كوبەيەۆا مەن قالي سارسەنباي قولدادى. تەلەديدار جوبالارىنىڭ اۆتورى جانە جۇرگىزۋشىسى الماس ساعىن ۇلى ديالوگ الاڭىنىڭ مودەراتورى بولدى. كەزدەسۋگە ساياساتتانۋشىلار، ساراپشىلار، قوعام بەلسەندىلەرى مەن جۋرناليستەر دە قاتىستى.
ەسكە سالساق، قازاقستاننىڭ قازىرگى كونستيتۋسياسى 1995 جىلى 30 تامىزدا وتكەن رەسپۋبليكالىق رەفەرەندۋمدا قابىلدانعان بولاتىن. وسىدان كەيىن نەگىزگى زاڭعا كوپتەگەن وزگەرىستەر مەن تولىقتىرۋلار ەنگىزىلدى. جاڭاشىلدىقتى رەفەرەندۋم ارقىلى ەمەس، ەل پارلامەنتى ارقىلى ماقۇلداندى. 1995 جىلدان باستاپ العاش رەت كونستيتۋسيالىق رەفورما تىكەلەي بۇكىلحالىقتىق داۋىس بەرۋ ارقىلى جۇزەگە اسىرىلاتىن بولادى. سوندىقتان وعان ەلىمىزدىڭ بارلىق ازاماتتارىنىڭ قاتىسۋى ماڭىزدى.
كونستيتۋسيالىق تۇزەتۋلەر بويىنشا رەسپۋبليكالىق رەفەرەندۋمعا بارلىعى 1،1 ملن الماتىلىق قاتىسادى. بۇگىنگى تاڭدا پارتيانىڭ قالالىق شتابى مەگاپوليستىڭ ەكى ءجۇز ەڭبەك ۇجىمىندا 10 مىڭعا جۋىق ادامدى قامتىدى. كونستيتۋسيالىق تۇزەتۋلەردى ءتۇسىندىرۋ بويىنشا بەلسەندى جۇمىس 3ء-شى ماۋسىمعا دەيىن جالعاسادى.