شىعارماشىلىق ءىس-شاراعا 70-تەن استام ءورت ءسوندىرۋشى-قۇتقارۋشىلاردىڭ، ديسپەچەرلەردىڭ جانە باسقا دا قىزمەتكەرلەردىڭ بالالارى قاتىستى
بالالاردى قورعاۋ كۇنىن مەرەكەلەۋ قارساڭىندا ءورت ءسوندىرۋشى-قۇتقارۋشىلاردىڭ بالالارى قۇتقارۋشىلار اللەياسىنىڭ اسفالتىندا سۋرەتتەر ورىندادى، دەپ حابارلايدى Almaty-akshamy.kz.
الماتى قالاسى مۇقانوۆ جانە بوگەنباي كوشەلەرىنىڭ قيىلىسىنداعى قۇتقارۋشىلار اللەياسىندا تج دەپارتامەنتى تج ورگاندارى ارداگەرلەرىنىڭ قالالىق ۇيىمىنىڭ قولداۋىمەن بالالاردى قورعاۋ كۇنىنە وراي بالالار سۋرەتتەرىنىڭ كونكۋرسىن وتكىزدى.
شىعارماشىلىق ءىس-شاراعا 70-تەن استام ءورت ءسوندىرۋشى-قۇتقارۋشىلاردىڭ، ديسپەچەرلەردىڭ جانە باسقا دا قىزمەتكەرلەردىڭ بالالارى قاتىستى. سۋرەتتەردە بالالار سۇيىكتى وتباسىمەن، ءورت ءسوندىرۋشى ماماندىعىمەن بايلانىستى بارلىق نارسەنى مۇقيات سۋرەتتەدى. جاس قاتىسۋشىلاردىڭ جاسى-3-تەن 12 جاسقا دەيىن، ءارقايسىسىنىڭ سۋرەتى ەرەكشە بولدى. بايقاۋ قورىتىندىسى بويىنشا جەڭىمپازدار انىقتالدى:
1 ورىن: ۋميربەكوۆا جاسمين ەردەنوۆنا. ونىڭ اناسى ديحانبايەۆا اينۇر-الماتى قالاسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ قۇجاتتامالىق قامتاماسىز ەتۋ توبىنىڭ ينسپەكتورى.؛
1 ورىن: كۋشكۋربايەۆا اەلين داۋلەت قىزى، ، الماتى قالاسى تجد ءورت ءسوندىرۋ جانە اۆاۆريا-قۇتقارۋ جۇمىستارى قىزمەتىنىڭ بايلانىس كۇشتەرى مەن قۇرالدارىن جەدەل باسقارۋ ورتالىعىنىڭ ينجەنەرى داۋلەت كۋشكۋربايەۆتىڭ قىزى؛
2 ورىن يەگەرلەرى: ەرمەك نۇراي نۇربول قىزى، اكەسى وتەگەنوۆ نۇربول № 10 ءبولىم باستىعىنىڭ ورىنباسارى قىزمەتىن اتقارادى، سونداي-اق ۋلادييەۆا شاتميرا، اكەسى 14ء-وسب قاراۋىل باستىعى ۋلادييەۆ رۋستام.
3 ورىندى № 13 ءورت ءسوندىرۋ ءبولىمىنىڭ ينجەنەرى لاۋرا كاتجانوۆانىڭ قىزى مەرۋەرت ەربول قىزى، سونداي-اق № 13 ءورت ءسوندىرۋ ءبولىمىنىڭ اعا ينجەنەرى ەلميرا قانقوجايەۆانىڭ قىزى الۋا قىزىرباي الدى
قۇرامىنا ارداگەرلەر ۇيىمىنىڭ وكىلى لي الەكساندر ميحايلوۆيچ، تجد جانە ءورت ءسوندىرۋ قىزمەتىنىڭ قىزمەتكەرلەرى كىرگەن بايقاۋ كوميسسياسى ءتۇرلى جاس ساناتتارىنداعى جەڭىمپازداردى انىقتادى. بارلىق بالالارعا قاتىسقانى ءۇشىن ەستەلىك سىيلىقتار مەن ءتاتتى سىيلىقتار بەرىلدى.
ءىس-شارا سوڭىندا ازاماتتىق قورعاۋ ارداگەرى گۇلشات داۋرەنبەكوۆا بارلىعىنا بەلسەندى قاتىسقانى ءۇشىن العىس ايتىپ، بالالارعا ءوز ەلىنىڭ دەنى ساۋ، مىقتى، اقىلدى جانە لايىقتى بالالارى بولىپ وسۋگە تىلەك ءبىلدىردى.
الماتى قالاسى تج دەپارتامەنتى بالالار سۋرەتتەرى بايقاۋىنا قاتىسقانداردىڭ بارلىعىنا العىس بىلدىرەدى!