اقپاراتتىق كوممۋنيكاسيا سالالارىنداعى كەيبىر اكتيۆتەردى مەملەكەت مەنشىگىنە قايتارۋ ماسەلەلەرىن تالقىلادى
ءاليحان سمايىلوۆ ەكونوميكانى دەمونوپوليزاسيالاۋ جونىندەگى كوميسسيانىڭ كەزەكتى وتىرىسىن وتكىزدى، دەپ حابارلايدى Almaty-akshamy.kz ۇكىمەتتىڭ رەسمي سايتىنا سىلتەمە جاساپ.
قاتىسۋشىلار كولىك، مۇناي وڭدەۋ جانە اقپاراتتىق كوممۋنيكاسيا سالالارىنداعى كەيبىر اكتيۆتەردى مەملەكەت مەنشىگىنە قايتارۋ ماسەلەلەرىن تالقىلادى.
كوميسسيا ءتوراعاسى ءاليحان سمايىلوۆ ۋاكىلەتتى ورگاندارعا قارالىپ وتىرعان اكتيۆتەرگە قاتىستى تەكسەرۋ ءىس-شارالارىن جالعاستىرۋدى، سونداي-اق ولاردىڭ كەيبىرەۋلەرىن جەكە مەنشىككە بەرۋدىڭ زاڭدىلىعى تۇرعىسىنان اۋديت جۇرگىزۋدى تاپسىردى.
بۇدان باسقا، باسەكەلەستىكتى قورعاۋ جانە دامىتۋ اگەنتتىگى مۇناي وڭدەۋ كاسىپورىندارىنا لوگيستيكالىق جانە سەرۆيستىك قىزمەتتەر كورسەتەتىن دومينانت كومپانيالاردىڭ تاريفتەرىن رەتتەۋ جونىندە ۇسىنىستار ەنگىزۋى ءتيىس.
كوميسسيا وتىرىسىنىڭ قورىتىندىسى بويىنشا، ءاليحان سمايىلوۆ ەل زاڭناماسىنا سايكەس قاجەتتى راسىمدەردى تەزدەتىپ اياقتاۋدىڭ ماڭىزدىلىعىن اتاپ ءوتتى.