وسى جەڭىلدىكتى التى ايدىڭ ىشىندە ءۇش رەت پايدالانۋعا بولادى.
"اشىق نقا" سايتىندا جاريالانعان قۇجات جوباسىنا سايكەس، ەكى ەلدىڭ ازاماتتارى 30 كۇنگە ۆيزا الۋدان بوساتىلادى، دەپ حابارلايدى Almaty-akshamy.kz
سىرتقى ىستەر مينيسترلىگى قازاقستان ۇكىمەتى جانە تايلاند ۇكىمەتى اراسىنداعى ۆيزالىق تالاپتاردان بوساتۋعا ارنالعان كەلىسىمگە قول قويۋ تۋرالى قاۋلىنىڭ جوباسىن ازىرلەدى.
"اشىق نقا" سايتىندا جاريالانعان قۇجات جوباسىنا سايكەس، ەكى ەلدىڭ ازاماتتارى 30 كۇنگە ۆيزا الۋدان بوساتىلادى. وسى جەڭىلدىكتى التى ايدىڭ ىشىندە ءۇش رەت پايدالانۋعا بولادى. ءبىراق ۆيزاسىز ءجۇرۋ مەرزىمىنىڭ جيىنتىعى كۇنتىزبەلىك 90 كۇننەن اسپاۋى شارت. وسىلايشا، 30 كۇن وتكەن سايىن ەلدەن شىعىپ، ۆيزاسىز قايتا كىرۋگە بولادى.
"ەگەر وسى باپتىڭ 1-تارماعىندا اتالعان ادامدار ەكىنشى تاراپ مەملەكەتىنىڭ اۋماعىندا كۇنتىزبەلىك وتىز (30) كۇننەن ارتىق بولۋعا نيەت بىلدىرسە، سول تاراپ مەملەكەتىنىڭ زاڭنامالارى مەن قاعيدالارىنا سايكەس تالاپ ەتىلەتىن ءتيىستى ۆيزا الۋعا ءتيىس"، - دەلىنگەن قاۋلى جوباسىندا.
كەلىسىمنىڭ ناقتى مەرزىمى جوق. ءبىراق الدىمەن مەمەلەكەتىشىلىك راسىمدەر ورىندالۋى قاجەت. ودان كەيىن ەكى جاق ديپلوماتيالىق ارنالار ارقىلى بىر-بىرىنە جازباشا حابارلاما جىبەرەدى. سودان باستاپ كۇنتىزبەلىك 30 كۇننەن سوڭ كەلىسىم كۇشىنە ەنەدى.
ءاربىر تاراپ ەكىنشى تاراپتى ديپلوماتيالىق ارنالار ارقىلى جازباشا حاباردار ەتە وتىرىپ، كەلىسىمدى بۇزا الادى. وندايدا سوڭعى حابارلاما الىنعان كۇننەن باستاپ كۇنتىزبەلىك 90 كۇننەن كەيىن كەلىسىم كۇشى توقتاتىلادى.