قالا قۇرىلىسىن باقىلاۋ باسقارماسى حابارلاعانداي، نىساندى سۇرۋگە سوتتىڭ تەرگەۋ جۇمىستارى 2022 جىلدان بەرى جالعاسىپ كەلەدى.
وبسەرۆاتوريا كوشەسى، 104/4 مەكەنجايدا ورنالاسقان «مەچتا» تك سالۋ كەزىندە كوپتەگەن بۇزۋشىلىقتارعا جول بەرىلگەن، اتاپ ايتقاندا تەكسەرۋ كەزىندە 2 نۇكتەگە رۇقسات بەرۋ قۇجاتتارىنىڭ بولماعان جانە بۇكىل نىسان بويىنشا جوبادان كوپتەگەن اۋىتقۋلار انىقتالعان، دەپ حابارلايدى Almaty-akshamy.kz.
تۇرعىن ءۇي كەشەنىنىڭ ءوزى تۇرعىن ءۇيدى پايدالانۋ جانە قىزمەت كورسەتۋ جونىندە نىسانالى ماقساتى بار جەر ۋچاسكدە ورنالاسقان. وسىلايشا، جەكە تۇرعىن ءۇي رەتىندە سالىنعان كەشەن ارقىلى قۇرىلىس سالۋشى قالا تۇرعىندارىنا جالعان مالىمەت بەرە وتىرىپ، پاتەرلەردى ساتۋدى جوسپارلاعان.
بۇعان دەيىن باسقارما ق ر سىبايلاس جەمقورلىققا قارسى ءىس-قيمىل اگەنتتىگىمەن زاڭسىز قۇرىلىستى باقىلاۋدى كۇشەيتۋ بويىنشا بىرلەسكەن جۇمىس اياسىندا نىسانعا جوسپاردان تىس تەكسەرۋ جۇرگىزگەن بولاتىن.
2022 جىلدىڭ 1 تامىزى كۇنگى تەكسەرۋ ناتيجەلەرى بويىنشا تاپسىرىس بەرۋشىگە (جەكە تۇلعاعا) قاتىستى ق ر اقبتك سايكەس اكىمشىلىك شارالار قابىلداندى جانە جىبەرىلگەن بۇزۋشىلىقتاردى جويۋعا نۇسقاما بەرىلدى، الايدا تاپسىرىس بەرۋشى ءوز كەزەگىندە ونى ورىندامادى.
2022 جىلدىڭ 19 قازانىندا مەدەۋ اۋداندىق سوتىنانىساندى بۇزۋ تۋرالى تالاپ ارىز جولداندى، سوڭىنان ۇزاق مەرزىمگە سوزىلعان سوت تالقىلاۋلارى جۇرگىزىلدى.
2023 جىلدىڭ 20 شىلدەدە الماتى قالالىق سوتىنىڭ شەشىمىمەن نىساندى بۇزۋعا تالاپ قاناعاتتاندىرىلدى.
2024 جىلى 30 قاڭتاردا جوعارعى سوتتىڭ قاۋلىسىمەن الماتى قالالىق سوتىنىڭ 2023 جىلعى 20 شىلدەدەگى وبەكتىنى بۇزۋ تۋرالى قاۋلىسى وزگەرىسسىز قالدى.
ايتا كەتەرلىگى، تك بۇرىن باق-دا جىلجىمايتىن مۇلىكتى ساتىپ الۋ ءۇشىن ۇسىنىلمايتىن نىسان رەتىندە جاريالانعان جانە زاڭناما مەن قۇرىلىس نورمالارىنىڭ تالاپتارىن بۇزا وتىرىپ سالىنعان 54 تاۋلى ايماقتارداعى نىسانداردىڭ تىزىمىنە ەنگىزىلگەن.