شيكى سۇتكە دەگەن سۇرانىس ايتارلىقتاي تومەندەگەن.
ۇستىمىزدەگى جىلى قازاقستاندا ءسۇت باعاسى 9،5% وسكەن، دەپ حابارلايدى Almaty-akshamy.kz Energyprom.kz سىلتەمە جاساپ.
اعىمداعى جىلدىڭ التى ايىنا جاسالعان قورىتىندى بويىنشا، قازاقستاندىق كومپانيالار مەملەكەتتەگى وڭدەلگەن سۇيىق ءسۇت پەن كىلەگەي سۇرانىسىن 96،3% قامتاماسىز ەتكەن.
يمپورت ۇلەسى 3،7% -دى نەمەسە 11،9 مىڭ توننانى قۇرادى، بۇل وتكەن جىلمەن سالىستىرعاندا 5،7% -عا كوپ. ءسۇت ەكسپورتى 14،3% -عا 18،7 مىڭ تونناعا دەيىن وسكەن.
ۇستىمىزدەگى جىلدىڭ سەگىز ايىندا ءسۇتتىڭ باعاسى وتكەن جىلمەن سالىستىرعاندا 9،5% وسكەن. بۇل - سوڭعى ءۇش جىلدا باعانىڭ وسكەن ەڭ جوعارعى كورسەتكىشى.
پاستەرلەنگەن ءسۇت وسكەمەن مەن قاراعاندى تۇرعىندارى ءۇشىن قىمباتقا ءتۇستى. مايلىلىعى 3،2% -4% پاستەرلەنگەن ءسۇتتىڭ ءبىر ءليترى وسكەمەندە ورتاشا ەسەپپەن 382 تەڭگە، قاراعاندىدا 357 تەڭگە بولدى. مايلىلىعى 2،5% پاستەرلەنگەن ءسۇت قاراعاندى مەن نۇر-سۇلتاندا ليترىنە 275 تەڭگەدەن، وسكەمەن مەن سەمەيدە-274 تەڭگەدەن ساتىلدى.
ورتاشا العاندا، قازاقستان رەسپۋبليكاسىندا 2،5% مايلىلىعى بار پاستەرلەنگەن ءسۇتتىڭ ءليترى 254 تەڭگە، مايلىلىعى 3،2% -4% - 302 تەڭگە.
بيىلعى جىلى شيكى ءسۇتتى تۇتىنۋ كورسەتكىشى تومەندەپ كەتكەن. ماسەلەن، 2021 جىلدىڭ ءبىرىنشى توقسانىندا قازاقستانداعى ءۇي شارۋاشىلىقتارى جان باسىنا شاققاندا 3،7 ليتر عانا شيكى ءسۇت تۇتىنعان. سالىستىرۋ ءۇشىن: وتكەن جىلدىڭ ءبىرىنشى توقسانىندا تۇتىنۋ كولەمى 4 ليتر، 2019 جىلى - 4،6 ليتر بولدى.
قالا تۇرعىندارىمەن سالىستىرعاندا اۋىل تۇرعىندارى ءسۇتتى كوپ ىشەدى، ءبىراق بۇل تۇتىنۋ كورسەتكىشى دە ەكى جىلدان بەرى تومەندەپ كەلەدى. ماسەلەن، قالا تۇرعىنى جىلىنا 1،8 ليتر ىشسە، اۋىل تۇرعىندارى 6،3 ليتر ءسۇت ىشەتىن.
ال وڭدەلگەن سۇيىق ءسۇت پەن كىلەگەي ءوندىرىسى، كەرىسىنشە، ءتورت جىلدان بەرى ءوسىپ كەلەدى: اعىمداعى جىلدىڭ قاڭتار-شىلدە ايلارىندا ءونىم 359،6 مىڭ توننانى قۇرادى، بۇل وتكەن جىلمەن سالىستىرعاندا 8،1% -عا ارتىق.
