ەلەكتر ەنەرگەتيكاسى جەتىلدىرىلەدى

ەنەرگەتيكا سالاسى جاندانۋدا

ەاەو ەلدەرى اراسىندا ەلەكتر ەنەرگەتيكاسى سالاسى جەتىلدىرىلەدى، دەپ حابارلايدى Almaty-akshamy.kz. 

ەلىمىز بۇدان بىلاي ارمەنيامەن ەلەكتر ەنەرگەتيكاسى سالاسىندا ءتيىمدى ىنتىماقتاستىق ورناتا الادى.

پارلامەنت سەناتىنىڭ جالپى وتىرىسىندا ەۋرازيالىق ەكونوميكالىق وداق تۋرالى شارتقا ارمەنيانىڭ قوسىلۋىنا بايلانىستى وزگەرىستەر ەنگىزۋ تۋرالى حاتتاما راتيفيكاسيالاندى.

قۇجات تاراپتار اراسىندا قۋات كوزىمەن الماسۋدىڭ ءادىسناماسىن ايقىندايدى. ياعني تاريفتىك ساياسات پەن باعانى بەلگىلەۋ، تابيعي مونوپوليالار سۋبەكتىلەرىنىڭ كورسەتىلەتىن قىزمەتتەرىنە قول جەتكىزۋدى قامتاماسىز ەتۋ جانە وداققا مۇشە مەملەكەتتەردىڭ ەنەرگيا جەلىلەرىنىڭ ءتيىمدى جۇمىس ىستەۋىنە مۇمكىندىك بەرەدى.

سونداي-اق، بۇگىنگى تاڭدا حاتتاما ارمەنيا، بەلارۋس، قىرعىزستان جانە رەسەي ەلدەرى تاراپىنان كەلىسىلگەن.

«زاڭ قابىلداندى. قۇرمەتتى ارىپتەستەر، قازىرگى تاڭدا ەكونوميكانىڭ الەۋەتىن ارتتىرۋدا ەلەكتر ەنەرگياسىنىڭ الار ورنى ەرەكشە. وسى تۇرعىدان كەلگەندە، بۇل زاڭ ۇيىمعا مۇشە ەلدەردىڭ ەنەرگەتيكا سالاسىنداعى ىنتىماقتاستىعىن دامىتۋعا وڭ اسەرىن تيگىزەدى دەپ سەنەمىز»، - دەدى ق ر پارلامەنتى سەناتىنىڭ ءتوراعاسى ماۋلەن اشىمبايەۆ.