نايزاعاي، جاڭبىر، بۇرشاق - ەلدىڭ ءتورت وبلىسىندا ۇسىك جۇرەدى

«قازگيدرومەت» رمك-سى مامىردىڭ 11ء-ى كۇنگى كۇن رايى بولجامىن جاريالادى.

كاسىپورىننىڭ بولجامىنا قاراعاندا، بۇگىن اتموسفەرالىق فرونتالدى بولىكتەردىڭ اسەرىنەن ەلىمىزدىڭ باسىم بولىگىندە كۇن قۇبىلمالى بولادى. ەلدىڭ باسىم بولىگىندە نايزاعاي ويناپ، جاڭبىر جاۋادى. وڭتۇستىك، وڭتۇستىك-شىعىس، شىعىستا قاتتى جاڭبىر، بۇرشاق جاۋادى، دەپ حابارلايدى Almaty-akshamy.kz.

رەسپۋبليكامىزدىڭ باتىسى، سولتۇستىك-باتىسى، سولتۇستىگىندە انتيسيكلون جوتاسىنىڭ اسەرىنەن كۇن جاۋىن-شاشىنسىز بولادى. رەسپۋبليكا بويىنشا جەل كۇشەيىپ، وڭتۇستىگىندە، وڭتۇستىك-شىعىسى، شىعىسىندا داۋىل تۇرادى، باتىسى، سولتۇستىك-باتىسىندا تۇندە جانە تاڭەرتەڭ تۇمان تۇسەدى.

تۇندە باتىس قازاقستان وبلىسىنىڭ سولتۇستىگىندە، شىعىسىندا، اقتوبە وبلىسىنىڭ سولتۇستىگىندە، قوستاناي وبلىسىنىڭ باتىسىندا، شىعىسىندا، اقمولا وبلىسىنىڭ باتىسىندا، وڭتۇستىگىندە، سولتۇستىك قازاقستان وبلىسىنىڭ وڭتۇستىگىندە 1-3 گرادۋس ۇسىك جۇرەدى.

قاراعاندى وبلىسىنىڭباتىسىندا، وڭتۇستىگىندە، ۇلىتاۋ وبلىسىنىڭ ورتالىعىندا، اباي، اقتوبە وبلىستارىنىڭ وڭتۇستىگىندە، باتىس قازاقستان وبلىسىنىڭ وڭتۇستىگىندە، ورتالىعىندا، قىزىلوردا وبلىسىنىڭ باتىسىندا، ورتالىعىندا ءورت ءقاۋىپى ساقتالادى، اتىراۋ وبلىسىنىڭ باتىسىندا دا ءورت ءقاۋىپى ساقتالادى. تۇركىستان وبلىسىنىڭ ءشولدى اۋداندارىندا توتەنشە ءورت ءقاۋىپى ساقتالادى.