20 قاراشادا الەمنىڭ 53 ەلىندە 68 سايلاۋ ۋچاسكەسى اشىلادى.
بۇل بەلگىلى سەبەپتەرمەن سايلاۋ كۇنى شەتەلدە بولاتىن وتانداستارعا قاتىستى، دەپ حابارلايدى Almaty-akshamy.kz.
ەلىمىزدىڭ سىرتقى ىستەر مينيسترلىگى ازاماتتاردىڭ قازاقستاننىڭ ديپلوماتيالىق نەمەسە كونسۋلدىق وكىلدىگىنە حابارلاسىپ، وكىلدىلىك جانىنان قۇرىلعان سايلاۋ ۋچاسكەسىنە بارا الاتىنىن مالىمدەدى. شەتەلدىك وكىلدىكتەردە داۋىس بەرۋ سايلاۋ كۇنى – 20 قاراشادا جەرگىلىكتى ۋاقىت بويىنشا تاڭعى ساعات 07:00-دەن كەشكى 20:00-گە دەيىن وتەدى. ەلىمىزدىڭ سىرتقى ىستەر مينيسترلىگى الدىن الا جاقىن جەردەگى سايلاۋ ۋچاسكەسىنە حابارلاسىپ، تىزىمدەرگە ەنگىزۋ ءۇشىن مالىمەتتەر بەرۋدى سۇرايدى.
«تۇركيا رەسپۋبليكاسىندا 3 سايلاۋ ۋچاسكەسى اشىلادى. انكارا، ستامبۋل جانە انتاليا قالالارىندا. بۇل ۋچاسكەلەر جەرگىلىكتى ۋاقىت بويىنشا ساعات تاڭعى 7-دەن كەشىكى 8-گە دەيىن جۇمىس ىستەيدى. ازاماتتارىمىز تۇركيادا جۇرگەن داۋىستارىن وسى ۋچاسكەلەردە بەرە الاتىن بولادى»، - № 286 سايلاۋ ۋچاسكەسى كوميسسياسى ءتوراعاسىنىڭ ورىنباسارى اسان ماجيتوۆ.