112 حالىقارالىق رەيس ىسكە قوسىلدى.
ەلىمىزگە 78 مەملەكەتتىڭ ازاماتتارى ۆيزاسىز كىرە الادى. بيىل اندوررا، يران، جۇڭگو ءۇشىن ۆيزاسىز رەجيم ەنگىزىلدى، دەپ حابارلايدى Almaty-akshamy.kz Inbusiness.kz سىلتەمە جاساپ.
بۇل تۋرالى مادەنيەت جانە سپورت ۆيسە-مينيسترى ەرجان ەركىنبايەۆ تۋريزم قاۋىمداستىعىنىڭ وكىلدەرىمەن كەزدەسۋدە ايتتى. ونىڭ ايتۋىنشا، قازاقستانعا ۆيزاسىز كىرەتىن ەلدەردىڭ قاتارى ارتقان.
بۇعان دەيىن پاندەمياعا بايلانىستى شەكارالار جابىلىپ، شەكتەۋلەر قويىلعان ەدى. ءقازىر بارلىق شەكتەۋ الىنىپ تاستالدى. ەندى قازاقستانعا 78 ەلدىڭ ازاماتتارى تاعى دا ۆيزاسىز كىرە الادى.
"بۇگىندە 28 مەملەكەتكە قاتىنايتىن 112 حالىقارالىق رەيس ىسكە قوسىلدى. بيىل اندوررا، يران، جۇڭگو ازاماتتارى ءۇشىن ۆيزاسىز رەجيم ەنگىزىلدى"، – دەدى ەرجان ەركىنبايەۆ.