اكىمدىك الماتىلىقتارعا زاڭسىز سالىنىپ جاتقان تۇرعىن ءۇي كەشەندەرىنەن پاتەر ساتىپ الماۋعا شاقىرادى
قاراعايلى شاعىن اۋدانىنداعى فرانسۋزسكيي دوم تۇرعىن ءۇي كەشەنى رۇقسات قۇجاتىنسىز سالىنىپ جاتىر. ءارى مەنشىك يەسى شارۋا قوجالىعىن جۇرگىزۋگە ارنالعان جەر تەلىمىندە تۇرعىن ءۇي كەشەنىن سالۋدا، - دەپ حابارلايدى almaty-akshamy.kz
قالا قۇرىلىسىن باقىلاۋ باسقارماسى شىلدە ايىندا نىساندى جوسپاردان تىس تەكسەرۋ قورىتىندىسى بويىنشا مەنشىك يەسى اقبتك-نىڭ 316-باپتىڭ 1 بولىگى، 321 باپ بويىنشا جاۋاپكەرشىلىككە تارتىلدى، سونىمەن قاتار، اتالعان زاڭ بۇزۋشىلىقتى 19.10.2022 جىلعا دەيىن جويۋ تۋرالى بۇيرىق شىعارىلدى. بۇيرىق مەرزىمى وتكەن سوڭ ونى ورىنداۋ ءۇشىن قايتا تەكسەرۋ تاعايىندالدى، ءقازىر قۇجاتتارى پروكۋراتۋرادا تىركەۋدەن وتۋدە.
سونىمەن بىرگە، باسقارما قۇرىلىس-مونتاج جۇمىستارىن جۇرگىزۋگە جانە سالىنىپ جاتقان جىلجىمايتىن مۇلىكتى ساتۋعا الدىن الا شارت جاساسۋعا تىيىم سالۋ تۋرالى تالاپ-ارىزدى سوتقا جولدادى.
ايتا كەتسەك، باسقارما +7 (727) 229-81-36 ءنومىرلى سەنىم تەلەفونىن ىسكە قوستى، بۇل ارقىلى جىلجىمايتىن مۇلىكتى ساتىپ الماس بۇرىن سالىنىپ جاتقان تۇرعىن ءۇي كەشەنى قۇجاتتارىنىڭ بار-جوعىن تەكسەرۋگە بولادى.