وزبەكستان مەن قازاقستاننىڭ رەسمي ۆەدومستۆولارى ەكى ەل ازاماتتارىنىڭ مەملەكەتتىك شەكارادان ۇلتتىق جەكە كۋالىك (ID كارتا) ارقىلى وتۋىنە رۇقسات بەرۋ ماسەلەسىن تالقىلاپ جاتىر.
بۇل تۋرالى وزبەكستان پرەزيدەنتىنىڭ سىرتقى ساياسات جونىندەگى ارنايى وكىلى ابدۋلازيز كوميلوۆتىڭ «جاڭا وزبەكستان» گازەتاسىندا جاريالاعان ماقالاسىندا ايتىلعان، دەپ حابارلايدى aqshamnews.kz.
ساياساتكەر استانا قالاسىندا وتكەن ورتالىق ازيا ەلدەرى باسشىلارىنىڭ التىنشى كونسۋلتاتيۆتىك كەزدەسۋى ايماقتاعى بارلىق ەلدەردىڭ كەيىنگى التى جىلداعى كەزەكتى ءتوراعالىعىنىڭ ناتيجەسىن سيمۆولدى قورىتىندىسى بولعانىن ايتىپ، بۇل فورمات مەملەكەتارالىق ىنتىماقتاستىقتىڭ جاڭا كەزەڭىن باستاپ بەرگەنىن مالىمدەگەن.
«بۇگىندە وزبەكستان مەن ورتالىق ازيا ەلدەرى اراسىنداعى شەكارانى دوستىق پەن تاتۋ كورشىلىك كوپىرى دەپ اتاۋعا بولادى. 2023 جىلدىڭ 1 قىركۇيەگىنەن باستاپ وزبەكستان-قىرعىزستان شەكاراسىنان وتۋدە ازاماتتار ID كارتانى پايدالانۋدا. ءدال وسىنداي جوبا قازاقستانمەن دە تالقىلانۋدا»، - دەپ جازادى ابدۋلازيز كوميلوۆ ءوز ماقالاسىندا.
سونىمەن قاتار ول وزبەكستان مەن قازاقستان شەكارانى زاڭدى تۇردە رەسىمدەۋدى تولىق اياقتاعانىن، تۇركىمەنستان، تاجىكستان جانە قىرعىزستانمەن مەملەكەتتىك شەكارا دەليميتاسيالانعانى، قازىرگى كەزدە ەلدەر اراسىنداعى وتكىزۋ بەكەتتەرى ءوز جۇمىسىن قالپىنا كەلتىرىپ، ازاماتتاردىڭ قوزعالىسى ايتارلىقتاي جەڭىلدەگەنىن جەتكىزگەن.