عىلىمي اتاقتار ءۇشىن قوسىمشا اقى مولشەرى ۇلعايتىلدى.
جوو ۇستازدارى مەن عىلىمي قىزمەتكەرلەردىڭ جالاقىسى كوتەرىلەدى، دەپ حابارلايدى aqshamnews.kz
2023 جىلعى 1 قاڭتاردان باستاپ عىلىمي ۇيىمدار قىزمەتكەرلەرىنىڭ لاۋازىمدىق جالاقىسى 18%-عا، 2024 جىلعى قاڭتاردان باستاپ 18%-عا، 2025 جىلعى قاڭتاردان باستاپ 17%-عا ۇلعايتىلدى.
ق ر عىلىم جانە جوعارى ءبىلىم مينيسترلىگىنىڭ جازۋىنشا، جوو پروفەسسور-وقىتۋشىلار قۇرامىنىڭ جالاقى مولشەرى 160،7 مىڭ تەڭگەدەن 350 مىڭ تەڭگەگە دەيىن، ۇلتتىق جوعارى وقۋ ورىندارىندا 228،8 مىڭ تەڭگەدەن 400 مىڭ تەڭگەگە دەيىن ءوستى.
عىلىمي اتاقتاردىڭ بولۋى ءۇشىن عىلىمي قىزمەتكەرلەرگە قوسىمشا اقى مولشەرى ۇلعايتىلدى. بۇل زاڭعا مەملەكەت باسشىسى وسى جىلدىڭ 6 مامىرىندا قول قويدى.
«وزگەرىستەرگە سايكەس، فيلوسوفيا دوكتورى (PhD)، بەيىنى بويىنشا دوكتور، عىلىم كانديداتى عىلىمي دارەجەسى جانە قاۋىمداستىرىلعان پروفەسسور (دوسەنت) اتاعى ءۇشىن تولەنەتىن قوسىمشا اقى 25 اەك-تى (92 300 تەڭگە) قۇرايدى. ال عىلىم دوكتورى جانە قاۋىمداستىرىلعان پروفەسسور (دوسەنت) عىلىمي اتاعى ءۇشىن 42 اەك (155 064 تەڭگە)، فيلوسوفيا دوكتورى (PhD)، بەيىنى بويىنشا دوكتور، عىلىم كانديداتى، عىلىم دوكتورى دارەجەسى جانە پروفەسسور عىلىمي اتاعى ءۇشىن 50 اەك (184 600 تەڭگە) مولشەرىندە قوسىمشا اقى تولەنەدى»، - دەپ حابارلادى مينيسترلىك.
40 جاسقا تولماعان دارىندى جاس عالىمدارعا جوعارى جانە جوو كەيىنگى ءبىلىم بەرۋ ۇيىمىنىڭ ەنداۋمەنت-قورىنىڭ ينۆەستيسيالىق كىرىس قاراجاتىنان ستيپەنديا الۋ قۇقىعى بەرىلدى.