قازاقستاندىقتار وتاندىق فيلمدەرگە كوبىرەك بارا باستادى

قازاقستاندا 67 كينەماتوگرافيا ۇيىمى بار

وتكەن جىلى كينوتەاترعا بارۋشىلار سانى 2021 جىلمەن سالىستىرعاندا 2 ەسە وسكەن، دەپ حابارلايدى Almaty-akshamy.kz ۇلتتىق ستاتيستيكا بيۋروسىنا سىلتەمە جاساپ.

2022 جىلى كينوسەانستارعا بارۋشىلار سانى 17 ملن استى، ءبىر جىل ىشىندە كورسەتكىش ەكى ەسەدەن استام ءوستى (2021 ج – 6،6 ملن). قازاقستاندىقتار ۇلتتىق فيلمدەر سەانستارىنا كوبىرەك بارا باستادى. 2021 جىلى وتاندىق فيلمدەردىڭ كورسەتىلىمدەرىن 931 مىڭ ادام كوردى، بۇل – كينوعا بارعانداردىڭ جالپى سانىنىڭ 12،1%-ى بولسا، 2022 جىلى ۇلتتىق كينوعا بارۋشىلار ۇلەسى – 53،6%.

وتاندىق كينو سەانستارىنىڭ سانى 2021 جىلعى 66 مىڭنان 2022 جىلى 296 مىڭعا دەيىن ءوستى.

تولىقمەتراجدى فيلمدەرگە بارعانداردىڭ باسىم بولىگى اقش-تا جاسالعان فيلمدەردى كورگەن – 7 ملن، ودان كەيىن قازاقستاندىق (4،7 ملن)، رەسەيلىك (486،1 مىڭ)، بريتاندىق (176،1 مىڭ) جانە اۆستراليالىق (46،5 مىڭ) فيلمدەر تۇر.

وسى ورايدا، كينوسەانستاردى وتكىزەتىن ۇيىمداردىڭ كىرىسى دە ءوستى – 2021 جىلعى 13،5 ملرد تەڭگەدەن 2022 جىلى 26،8 ملرد تەڭگەگە دەيىن.

ايتا كەتسەك، 2022 جىلى قازاقستاندا 105 كينوتەاتر جۇمىس ىستەدى، ونىڭ 4-ەۋى اۋىلدىق جەردە ورنالاسقان.

سونىمەن قاتار، قازاقستاندا 67 كينەماتوگرافيا ۇيىمى بار، ولار وتكەن جىلى 331 فيلم ءتۇسىردى، ونىڭ ىشىندە تولىقمەتراجدى فيلم – 49 (2021 جىلى – 340 فيلم، ونىڭ ىشىندە تولىقمەتراجدىسى – 31).

ەسكە سالساق، جۋىردا ۇكىمەت باسشىسى مادەنيەت جانە سپورت مينيسترلىگىنە كينوپروكاتتاعى وتاندىق فيلمدەردىڭ ۇلەسىن كوبەيتۋدى تاپسىرعان بولاتىن.