الماتىدا 8879 كوپ پاتەرلى تۇرعىن ءۇي بار
2023 جىلدىڭ 1 شىلدەسىنەن باستاپ پيك پەن پيتك زاڭ بويىنشا ءوز قىزمەتىن توقتاتۋى ءتيىس، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ورنىنا مەنشىك يەلەرى باسقارۋدىڭ جاڭا نىسانىن تاڭداۋى كەرەك. مۇنداي نىساندار بولۋى مۇمكىن:
1) مۇلىك يەلەرىنىڭ بىرلەستىگى (ميب)؛
2) كوپپاتەرلى تۇرعىن ءۇيدىڭ جاي سەرىكتەستىگى (جس).
جاڭا نىساننىڭ بۇرىنعى پاتەر يەلەرىنىڭ كووپەراتيۆى (پيك) نەمەسە پاتەر يەلەرىنىڭ تۇتىنۋ كووپەراتيۆتەرىنەن (پيكت) باستى ايىرماشىلىعى ءبىر ءۇي-بىر بىرلەستىك-بىر شوت سحەماسىندا.
«ءاربىر ءۇيدى باسقارۋدىڭ جەكە ءتاسىلىن كوزدەيتىن، سونداي-اق تۇرعىندارعا اقشا تۇسىمدەرى مەن ولاردىڭ جۇمسالۋىن باقىلاۋ مۇمكىندىگىمەن تەك ءوز ءۇيىن كۇتىپ-ۇستاۋعا قاراجات جيناۋعا مۇمكىندىك بەرەتىن قاعيدا. شىن مانىندە، ءار ۇيدە ءتوراعا جانە تەكسەرۋ كوميسسياسى سايلانادى. تۇبەگەيلى ايىرماشىلىق – ميب ءتوراعاسى ءدال وسى ءۇيدىڭ تۇرعىنى بولۋى كەرەك. پيك پەن پيتك-دە بۇل پروسەسس ءبىر ءتوراعانىڭ باسقارۋىنداعى ۇيلەردىڭ كوپتىگىنە بايلانىستى مۇمكىن بولمادى. پيك جانە پيتك وكىلدەرىمەن كوپپاتەرلى تۇرعىن ءۇيدىڭ تۇرعىندارى مەن مەنشىك يەلەرىنىڭ داۋى بويىنشا جيناقتالعان وقيعالاردى تالداۋ باسقارۋ نىسانىن وزگەرتۋدىڭ شۇعىل قاجەتتىلىگىن كورسەتتى»، - دەلىنگەن قالالىق اكىمدىك تاراتقان حابارلامادا.
الماتى اكىمدىگىنىڭ وكىلدەرى اتاپ وتكەندەي، ميب پەن جس اراسىنداعى نەگىزگى ايىرماشىلىق ميب – زاڭدى تۇلعا، جس - زاڭدى تۇلعا قۇرمايتىن سەرىكتەستىك. باسقا تۇستارى پرينسيپيالدى ەمەس جانە باستاماشىل توبىمەن كپتۇ پاتەرلەرى مەن تۇرعىن ەمەس ءۇي-جايلار يەلەرىنىڭ جينالىسىندا تۇسىندىرىلەدى.
قازىرگى ۋاقىتتا الماتىدا 8879 كوپ پاتەرلى تۇرعىن ءۇي بار، ونىڭ 7129-ى باسقارۋدىڭ جاڭا نىساندارىنا وتۋگە جاتادى.
«ميب قۇرۋ الگوريتمى قاراپايىم جانە ءۇش نەگىزگى قادامنان تۇرادى: بىرىنشىسى-كۆورۋمى كەمىندە 50% بولاتىن تۇرعىنداردىڭ جينالىسىن ۇيىمداستىرۋ؛ ەكىنشىسى - ءتوراعانى، ءۇي كەڭەسىن جانە تەكسەرۋ كوميسسياسىن سايلاۋ (جينالىس حاتتاماسىن جۇرگىزۋ جانە قول قويۋ قاجەت)؛ ءۇشىنشىسى - قۇجاتتاردى حقكو-عا تاپسىرۋ. ءميب-تى مەملەكەتتىك تىركەۋ 5 جۇمىس كۇنى ىشىندە جۇرگىزىلەدى»، - دەپ حابارلادى اكىمدىكتەن.
بۇعان دەيىن قالا اكىمى ەربولات دوسايەۆ مەگاپوليستەگى ۇيلەردىڭ 90%-دان استامى تۇرعىن ءۇيدى باسقارۋدىڭ جاڭا نىساندارىن قۇرعانىن ايتتى.
ەسكە سالايىق، كەشە مەملەكەت باسشىسى قاسىم-جومارت توقايەۆ ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە مۇلىك يەلەرى بىرلەستىگى رەفورماسىندا قاتتى قاتەلىككە ۇرىنعان سياقتىمىز دەگەن ەدى.