18 ماۋسىمنان باستالادى.
قازاقستاندا حالىقارالىق رەيس قايتا جاندانادى، دەپ حابارلايدى Almaty-akshamy.kz
"بيىلعى 18 ماۋسىمنان باستاپ "Salam Air" ومان اۋەكومپانياسى الماتى – ماسكات باعىتى بويىنشا اۋە قاتىناسىن قالپىنا كەلتىرۋدى جوسپارلاپ وتىر. رەيستەر سىيىمدىلىعى 180-230 ورىندىق "ەيرباس-ا320/ا321" ۇلگىسىندەگى اۋە كەمەلەرىندە اپتاسىنا 2 رەت (سەيسەنبى جانە جۇما كۇندەرى) ورىندالادى"، - دەلىنگەن حابارلامادا.
اۋە قاتىناسىن قالپىنا كەلتىرۋ ەكى ەل اراسىنداعى ساۋدا-ەكونوميكالىق، ىسكەرلىك جانە تۋريستىك ىنتىماقتاستىقتى ودان ءارى دامىتۋعا ىقپال ەتپەك.